Mua mukanda yina kemonisaka bakarte ya bisika yina Biblia metubila
“Voyez le bon pays” kele Mua mukanda yina kemonisaka bakarte ya bisika yina Biblia metubila yakele na mambu ya fiotifioti, mpe nge lenda sadila yau samu na kukota na mpinda na ndongokolo na nge mosi ya Biblia. Biblia metubila bisika, bambanza, mpe babuala. Kusadila mua mukanda yango ntangu nge kena kutanga mpe kulonguka Biblia lenda sala ti nge kukimona na kati ya disolo. Mua mukanda “Voyez le bon pays” kesadisa nge nge mona na makanisi mutindu mpe bisika masolo ya Biblia salamaka. Yalenda sadisa nge diaka nge bakusa mutindu bisika yango vuandaka na bupusi na masolo yina Biblia metubila.
Mua mukanda “Voyez le bon pays” mefuluka na bakarte mpe batablo ya bakulere yina kena kumonisa bisika mutindu na mutindu ya babuala yina Biblia metubila. Mukanda yango kele diaka na bashema, bifuanusu, mpe mambu mingi yankaka samu na kubongisa diaka ndongokolo na nge mosi ya Biblia.
Mukanda yayi kena kumonisa bakarte ya bisika yina Biblia metubila, yakesadisa nge
nge bakusa bavuayaje yina Abrahami, Yisaka, mpe Yakobi salaka
nge mona na makanisi nzila yina Bayisaele tambudilaka ntangu babimaka na Ezipito samu na kukuenda na Yinsi ya nsilulu
nge zaba kisika yina Yisaele vuandaka mpe bisika yina makanda ya bambeni vuandaka
nge mona babuala yina Yesu lutilaka samu na kusamuna
nge zaba bisika to babuala yina baampire yina Biblia metubila kumaka, na kifuani, ampire ya Babiloni, ya Gresi mpe ya Roma
Tala diaka...
BISADULU SAMU NA KULONGUKA BIBLIA
Kikapu ya Biblia ya kilumbu
Tótángaka Makomami mokolo na mokolo, yina mekokana na nsambudulu ya konso kilumbu, yakepesa nge verse mosi ya Biblia samu na konso kilumbu mpe mua komantere samu na verse yango.
BISADULU SAMU NA KULONGUKA BIBLIA
Mukanda Étude perspicace
Mukanda Étude perspicace kele na bayintu ya diambu mingi ya mambu ya fiotifioti. Yaketubilaka bantu, bisika, bayinti, bibulu, mambu ya mfunu yina salamaka, mpe bampova ya kifuani ya Biblia. Mukanda yango yina nge lenda telesharje kele na bakarte, bafoto, bifuanusu, mpe index ya masolo mpe ya baverse.
BISADULU SAMU NA KULONGUKA BIBLIA
Bunkufi ya nsangu ya Biblia
Mua mukanda Biblia ezali na nsango nini? mepesa bunkufi ya Biblia na mvimba na yau mpe yamemonisa puelele yintu ya diambu na yau.