Zasoneka Matai 3:1-17
3 Muna lumbu yayina, Yoane+ wa Mvubi wele alonginge+ muna makanga ma Yuda,
2 oku vo: “Nuviluka o ntima, kadi e Kintinu kia zulu kifinamene.”+
3 Kieleka, Yoane yandi oyikwanga muna Yesaya wa ngunza vo:+ “Nding’a muntu obokanga muna makanga, oku vo: ‘Nukubika nzil’a Yave!* Nusingika nzila zandi.’”+
4 Yoane wavuatanga mvuatu a mika mia samo ye mpond’a nkand’a bulu muna luketo lwandi.+ O madia mandi, makonko yo wiki.+
5 I bosi, nkangu a Yerusaleme ye Yuda yawonso ye zunga kiawonso kia Yodani bezidi kwa yandi,+
6 bafungwini masumu mau, ubavubidi* muna Nkoko a Yodani.+
7 Vava kamwene vo Afarisi ye Asaduki+ ayingi bezidi vana fulu kiavubilwanga, ubavovese vo: “Eyeno wan’a mpidi,+ nga nubenze vo nulenda tina e lumbu kia makasi ma Nzambi?+
8 Entete, nusonga mavangu ma luviluku lwa ntima.
9 Ke nuvovi muna ntima mieno ko vo: ‘Tuna yo se dieto Abarayama.’+ Kadi inuvovese wo vo, Nzambi wafwana vaikisila Abarayama wana muna matadi mama.
10 E soka disilu* kala vana sina dia nti. Ozevo, konso nti ulembi yima e bundu yambote, keswa ukeswa yo tubwa vana tiya.+
11 Mono inuvubidi muna maza mu kuma kia luviluku lweno lwa ntima,+ kansi ndiona okwiza ndandi unsundidi o nkuma, kiafwana nkutu katula nsampatu zandi ko.+ Yandi okunuvubila muna mwand’avelela+ yo muna tiya.+
12 Una ye vevelwa vana koko kwandi, ovelelesa e bundilu diandi yo sia masa mandi muna lundilu, kansi oyoka e vevele vana tiya+ ke tuzimanga ko.”
13 I bosi, Yesu otukidi kuna Ngalili, olueke kuna Yodani kwa Yoane kimana kavubwa kwa yandi.+
14 Kansi Yoane ovavidi kunsima, oku vo: “Mono mfwete vubwa kwa ngeye, owau ongeye kwa mono okwizange?”
15 Yesu umvutwidi vo: “Yambula diavangama owau, kadi muna mpila yayi tulungisa mawonso mansongi.” I bosi oyambwidi kunsima.
16 Vava kavubilu, Yesu vana vau otombokele muna maza, e zulu diziukidi,+ omwene mwand’a Nzambi unkulumukini nze yembe.+
17 I bosi, e ndinga itukidi kuna zulu,+ oku vo: “Ndioyo i Mwan’ame+ anzolwa, ona iyangalelanga.”+
