Nkunga 136:1-26
136 Nuvana matondo kwa Yave, kadi oyandi wambote;+O walakazi wandi wakwele mvu.+
2 Nuvana matondo kwa Nzambi osundidi nzambi zawonso,+Kadi o walakazi wandi wakwele mvu.
3 Nuvana matondo kwa Mfumu a zimfumu,Kadi o walakazi wandi wakwele mvu.
4 Yandi kaka ovanganga masivi manene,+Kadi o walakazi wandi wakwele mvu.+
5 Muna ngangu* kasemena e zulu,+Kadi o walakazi wandi wakwele mvu.
6 Wayalumuna o ntoto vana ntandu a maza,+Kadi o walakazi wandi wakwele mvu.
7 Wavanga mini yanene,+Kadi o walakazi wandi wakwele mvu,
8 E ntangwa katema* muna mwini,+Kadi o walakazi wandi wakwele mvu,
9 E ngonde ye ntetembwa zavana ntemo* muna fuku,+Kadi o wakalazi wandi wakwele mvu.
10 Wavonda wan’antete a Engipito,+Kadi o walakazi wandi wakwele mvu.
11 Wavaikisa Isaele vana kati kwau,+Kadi o walakazi wandi wakwele mvu,
12 Muna koko kwankuma+ yo koko kwalambuka,Kadi o walakazi wandi wakwele mvu.
13 Wavambula Mbu Ambwaki vana kati,*+Kadi o walakazi wandi wakwele mvu.
14 Wafila Isaele kaviokela vana kati kwa Mbu,+Kadi o walakazi wandi wakwele mvu.
15 Watuba Faro yo makesa mandi muna Mbu a Ambwaki,+Kadi o walakazi wandi wakwele mvu.
16 Watwadisa nkangu andi muna makanga,+Kadi o walakazi wandi wakwele mvu.
17 Wafwasa ntinu mianene,+Kadi o walakazi wandi wakwele mvu.
18 Wavonda ntinu miankuma,Kadi o walakazi wandi wakwele mvu,
19 Sikone+ wa ntinu a Aneyamore,Kadi o walakazi wandi wakwele mvu,
20 Yo Onge+ wa ntinu a Basani,Kadi o walakazi wandi wakwele mvu.
21 Wavana nsi au se vua,+Kadi o walakazi wandi wakwele mvu,
22 Se vua kwa Isaele wa selo kiandi,Kadi o walakazi wandi wakwele mvu.
23 Watuyindula vava twakala twasakalala,+Kadi o walakazi wandi wakwele mvu.+
24 Watuvuluzanga vana moko ma mbeni zeto,+Kadi o walakazi wandi wakwele mvu.
25 Ovananga madia kwa vangwa yawonso ya moyo,*+Kadi o walakazi wandi wakwele mvu.
26 Nuvana matondo kwa Nzambi a zulu,Kadi o walakazi wandi wakwele mvu.
Mvovo vana yand'a lukaya
^ Yovo “umbakuzi.”
^ Mvovo wa sina: “yayala.”
^ Mvovo wa sina: “zayala.”
^ Mvovo wa sina: “mu ndambu zole.”
^ Mvovo wa sina: “nitu zawonso.”
