Nkunga 34:1-22
Nkung’a Davidi. Vava kakivunina kilau+ vana ndose a Abimeleke ona wanyinga, i bosi wayenda kwandi.
א [Alefe]
34 Ikembelela Yave ntangwa zawonso;Kiyambula kunkembelela ko.
ב [Bete]
2 Ikuyisanina muna Yave;+Alembami bewa yo mona e kiese.
ג [Ngimele]
3 Yambula twatundidika Yave kumosi;+Twasanisina nkumbu andi entwadi.
ד[ Dalete]
4 Nsambidi kwa Yave, oyandi untambulwidi.+
Umpevuele muna wonga wame wawonso.+
ה[ He]
5 Awana bantadidi bayangalele;Ke balendi fusuka nsoni ko.
ז [Zayine]
6 Nlembami ndioyu obokele, Yave owidi.
Umvulwizi muna mpasi zandi zawonso.+
ח[ Hete]
7 E mbasi a Yave izunganga awana bekumvuminanga,+Okubavuluzanga.+
ט [Tete]
8 Numeka, nuamona wo vo Yave wambote;+Kiese kwa muntu otinina kwa yandi.
י [Yode]
9 Nuvumina Yave, yeno awonso avauki andi,Awana bekumvuminanga ke bekondwa lekwa ko.+
כ [Kafe]
10 Kana nkutu wan’a nkosi angolo* bafwidi e nzala,Awana betombanga Yave ke bekondwa lekwa kiambote ko.+
ל [Lamede]
11 E wan’ame, nuiza, nungwa;Ikunulonga vumi wa Yave.+
מ[ Meme]
12 Avo ozolele yangalela e zingu,Yo mona lumbu yayingi yambote,+
נ [Nune]
13 Ozevo, lunga-lunga lubini lwaku muna mambu mambi,+E befo yaku muna vova luvunu.+
ס [Sameke]
14 Vengomoka muna mambu mambi, vanga mambu mambote;+Vava luvuvamu yo tatidila lo.+
ע [Ayine]
15 Kadi meso ma Yave muna ansongi mena,+O matu mandi mewanga e kazu kiau.+
פ [Pe]
16 Kansi Yave osianga kitantu kw’awana bevanganga mambu mambi,Kimana kavunzuna luyindulu lwau ova nza.+
צ [Tsade]
17 Ansongi bakazidi, Yave owidi;+Ubavulwizi muna mpasi zau zawonso.+
ק [Kofe]
18 Yave ofinamene awana bawudika e ntima;+Ovuluzanga awana bakendalala.*+
ר [Rese]
19 E mpasi za nsongi zayingi,+Kansi Yave okumvuluza muna mpasi zawonso.+
ש [Sine]
20 Olundidi e visi yandi yawonso;Kana kimosi ke kitolokele ko.+
ת [Tau]
21 E kimpumbulu ofwila muna sumbula;Awana bemenganga muntu ansongi tumbwa betumbwa.
22 Yave okûla mioyo mia selo yandi;Ke vena muntu ko otinina kwa yandi otumbwa.+
Mvovo vana yand'a lukaya
^ Yovo “wan’a nkosi a mika miayingi muna nsingu.”
^ Mvovo wa sina: “ana bakosomokene muna mwanda.”
