Nkunga 69:1-36
Kuna kwa ntwadisi a nkunga; muna “Mvuma za Lenge-lenge.” Nkung’a Davidi.
69 E Nzambi, umpuluza kadi maza masidi moyo ame mu vonza.*+
2 Ndimukini muna nteke, kavena fulu ko ndenda sia kulu.+
Nkotele muna maza masina,E nkukula yangolo inkukulwisi.+
3 Ngioyele wau mbokele kwayingi;+Nding’ame ikelele.
Meso mame makobokele wau ivingilanga Nzambi ame.+
4 Ana bambengene kondwa kuma+Engi, balutidi nsuki za ntu ame.
Awana bazolele kumponda,E mbeni zame, bena vo ayekodi bakitukidi se ayingi.
Bankomekene yavutula ina kiayiya ko.
5 E Nzambi, ozeye uzowa wame,Kiswekele masumu mame ko.
6 Kuyambula ko vo awana bevingilanga muna ngeye bafusulwiswa nsoni mu kuma kiame,E Mfumu, wa Yave a vu.
Kuyambula ko vo awana bekuvavanga bavezwa mu kuma kiame,E Nzambi a Isaele.
7 ltiangunuanga mu kuma kiaku;+Luvezo lufukidi ndose ame.+
8 Nkitukidi nzenza kuna kwa mpangi zame,Ye munduti a nzila kuna kwa wan’a ngudi ame.+
9 O vema muna nzo aku kukweme omu mono nze tiya,+O luvezo lwa awana bekuvezanga lumbwididi.+
10 Vava ikisakidikidi yo fionkonona,*Bantiangwini mu kuma kiaki.
11 Vava mvuete ngoto,Nkitukidi se kuma kia luvezo* kuna kwa yau.
12 Awana bavuende vana vitu dia mbanza bekunkumbanga,E nduvu za vinyu bansidi muna nkunga miau.
13 Yambula sambu kiame kialwaka kwa ngeye,E Yave, muna ntangw’a dienga.+
Muna ulolo wa walakazi waku, e Nzambi,Umputulwila muna mavangu maku ma luvuluzu.+
14 Unkatula muna nteke;Kungiambula ko yadimuka.
Umpuluza muna awana bekumbengangaYe muna maza masina.+
15 Kuyambula ko vo e nkukula za maza zankukulwisa,+Yovo zinga ya maza yambina,Ngatu o nu’a sima* wanzikamena.+
16 Umpana mvutu, e Yave, kadi o walakazi waku wambote.+
Vutuka kwa mono muna ulolo wa nkenda zaku.+
17 Kusweki ndose kwa ntaudi aku ko.+
Umpana mvutu mu nzaki, kadi mu mpasi ngina.+
18 Umfinama, wankûla;*Unkûla muna diambu dia mbeni zame.
19 Ozeye lusembo lwame, nsoni zame yo luvezo lwame.+
Ozeye mbeni zame zawonso.
20 O luvezo luwudidi e ntim’ame, e mputa ke zisasukanga ko.*
Mpavidi muntu okumfwila e nkenda, kansi kinsolwele ko,+Mpavidi mfiaulwisi, kansi kinsolwele ko.+
21 Bampene ndikila* vana fulu kia madia,+Vava mbwene vuina, bampene vinagre yanua.+
22 Yambula o meza mau makituka se ntambu vovo bena,Kimvuama kiau nze sokolo.+
23 Yambula o meso mau mabukama e tombe kimana balembi mona,E malu mau mazakama* ntangwa zawonso.
24 Ubatiamunuina makasi maku,E nsita za makasi maku zabalwakila.+
25 Yambula e ndo au* yasala e nkatu;E saba yau yalembi kala o wantu.+
26 Bebangikanga ndiona wawanda,Bakwamanene mokenena e ndunzi za awana walweka.
27 Kudikila bi muna bi wau,Ke bena ye kunku ko muna unsongi waku.
28 Ubavunzuna muna nkand’awana bena moyo,*+Kuyambula ko basonama kumosi ye ansongi.+
29 Vo i mono mbangamene, mu mpasi ngina.+
O nkum’aku a luvuluzu yambula wantanina, e Nzambi.
30 Iyimbidila e nkumbu a Nzambi,Ikuntundidika ye matondo.
31 Ediadi diyangidika Yave ke mu ngombe ko,Ngatu mwan’a ngombe una ye mpoka ye kole.+
32 Alembami bemona wo, beyangalala.
Yeno nuvavanga Nzambi, yambula ntima mieno miayangalala.
33 Kadi Yave owinikinanga asukami,+Ke veza nkangu andi wabakama ko.+
34 E zulu ye ntoto, yambula wankembelela,+Yo kalunga ye yawonso ikangalelanga mo.
35 Kadi Nzambi ovuluza Zione+Yo tungulula mbanza za Yuda,I mûna bekala yo vua e nsi yayi.
36 E wan’a ntaudi zandi bevua yo,+Awana bezolanga nkumbu andi+ bekala mo.
Mvovo vana yand'a lukaya
^ Yovo “maza malweke omu moyo ame.”
^ Nanga, “Vava ndididi yo fionkonona.”
^ Mvovo wa sina: “ngana.”
^ Yovo “wulu.”
^ Yovo “Finama moyo ame, wakûla wo.”
^ Yovo “e vuvu kiame kidimbukidi.”
^ Yovo “nti ampondi.”
^ Mvovo wa sina: “E tuketo twau twazakama.”
^ Yovo “ndo yazungwa yaka.”
^ Yovo “nkand’a moyo.”
