Nkunga 89:1-52
Maskile.* Nkung’a Etane+ wa Nyezera.
89 Iyimbidila walakazi wa Yave yakwele mvu.
Muna nu’ame izayisila ziku kiaku kwa mbandu zawonso.
2 Kadi mpovele vo: “O walakazi uzingila* yakwele mvu,+Osikidisi ziku kiaku kuna zulu.”
3 “Nkangidi e kangu ye ndiona nsolele;+Ndididi Davidi wa selo kiame e ndofi:+
4 ‘Isikidisa e mbongo aku+ yakwele mvu,Yo siamisa e kunda kiaku muna mbandu zawonso.’”+ (Sela)
5 E zulu disanisina masivi maku, e Yave,Ye ziku kiaku muna nkutakani y’avauki.
6 Kadi nani kuna zulu olenda tezaneswa yo Yave?+
Nani muna wan’a Nzambi+ una nze Yave?
7 Nzambi ovuminuanga muna lukutakanu lw’avauki;+Watundalala ye wambubu kuna kw’awonso banzietele.+
8 E Yave wa Nzambi a vu,Nani i nkwa nkuma nze ngeye, e YA?+
E ziku kiaku kizungidi.+
9 Oyalanga lulendo lwa kalunga;+Avo mavuku mandi matombokele, ngeye okulula mo.+
10 Okosomwene Rakabi*+ nze muntu ovondelo.+
Muna koko kwaku kwa nkuma omwanganese mbeni zaku.+
11 E zulu diaku, o ntoto mpe waku;+O ntoto ye yawonso izele mo+—ngeye wavanga yo.
12 E node ye sude—ngeye wavanga yo;E Tabo+ ye Keremone+ yasanisina nkumbu aku ye kiese kiawonso.
13 O koko kwaku kwankuma;+Koko kwaku kwangolo;+Koko kwaku kwalunene kwazanguka.+
14 Unsongi ye ziku i nkubilw’a kunda kiaku;+O walakazi ye ziku kina vana ndose aku.+
15 Akwa kiese o nkangu uzeye e kazu kiakiese.+
E Yave, muna ntemo a ndose aku bekangalelanga.
16 Muna nkumbu aku beyangalela e lumbu kiamvimba,Yo tundidikwa muna unsongi waku.
17 Kadi ngeye i nkembo a ngolo zau,+Muna dienga diaku e ngolo* zeto zitundidikilu.+
18 Kadi e ngubu eto ya Yave,O ntinu eto wa Mvauki a Isaele.+
19 Muna ntangwa yayina wavovesela minkwikizi miaku muna mona-meso, oku vo:
“Mpene nkuma kwa kesa;+Ntundidikidi muntu wasolwa muna nkangu.+
20 Nsolwele Davidi wa selo kiame;+Yinkusidi mazi mame mavauka.+
21 O koko kwame kukunsadisa,+Koko kwame kunkumika.
22 Kavena mbeni ko okumfutisa e mpaku,Kavena nkwa vilwa ko okumwesa e mpasi.+
23 Itiazuna mbeni zandi vana kena+Yo vonda awana bekumenganga.+
24 E ziku kiame yo walakazi una yandi,+Muna nkumbu ame e ngolo zandi ziwokela.*
25 Isia koko kwandi* muna kalungaYo koko kwandi kwalunene muna zinzadi.+
26 Okumbokela, oku vo: ‘Ongeye u Se diame,Nzambi ame ye Tadi dia luvuluku lwame.’+
27 Ikunkitula se mwan’antete,+Se ntinu a nza ona osundidi.+
28 Ikwamanana kunsonga walakazi wame yakwele mvu,+E kangu dina nkangidi yandi ke difunga ko.+
29 Isikidisa e mbongo andi yakwele mvuYo zingisa kunda kiandi nze zulu.+
30 Avo wan’andi bayambwidi nsiku ameYo lembi kangalela diaka mun’owu wa nzengo zame,*
31 Avo bakulwidi e mîna miameYo lembi lunda e nkanikinu miame,
32 Ozevo, itumbila ukolami wau muna nkau+Yo bi wau muna ngwanda.
33 Kansi, kiyambula songa walakazi wame ko kwa yandi+Ngatu kondwa ziku muna nsilu ame.*
34 E kangu diame kikulula dio ko+Ngatu soba mana mavovele o nu’ame.+
35 Muna vauka kwame, ndididi e ndofi yakwele mvu;Kivuna Davidi ko.+
36 E mbongo andi izinga yakwele mvu;+E kunda kiandi kia kimfumu kizinga nze ntangwa oku ngina.+
37 Kisikidiswa yakwele mvu nze ngonde,Nze mbangi a ziku kuna zulu.” (Sela)
38 Kansi ngeye umbembwele yo kumbenga;+Ofungidi kuswa kiaku makasi.
39 Obembwele e kangu dia selo kiaku;Ofunzwidi kolow’andi* wau otubidi yo vana ntoto.
40 Obangwidi yaka yandi yawonso ya matadi;*Okitwidi matininu mandi se mazumbu.
41 E minduti a nzila miawonso misanzidi yo;Ikitukidi se luvezo kwa mfinangani zandi.+
42 Osundisi atantu andi;*+Omwesese mbeni zandi zawonso e kiese.
43 Ovutwidi e nsosolo andi manima,Unyambwidi vo kalembi sunda muna vita.
44 Osukisi o wete wandi,Okindwidi kunda kiandi vana ntoto.
45 Okufikidi e lumbu ya kitoko kiandi;Umvuikidi e nsoni. (Sela)
46 Yamu nkia kolo oswekama, e Yave? Nga yakwele mvu?+
Nga nsita zaku zikwamanana lema nze tiya?
47 Yindula una zingu kiame kinina kiamkufi!+
Nga nkatu-nkatu wasemena wantu awonso e?
48 Nkia muntu ozinga, yandi kamoni lufwa e?+
Nga olenda kukivuluza* muna nkum’a Ziami?* (Sela)
49 Akweyi wina o walakazi waku wa ntama, e Yave,Una wadila ndofi kwa Davidi muna ziku kiaku?+
50 E Yave, yindula lusembo lwa selo yaku;E mpila nzizididi* tusembo twa nkangu miawonso;
51 E Yave, yindula una mbeni zaku batiangunuini;Yindula una batiangunuini ngienda zawonso za kuswa kiaku.
52 E Yave yambula wakembelwa yamu mvu ya mvu. Amen ye Amen.+
Mvovo vana yand'a lukaya
^ Tala Nsas’a Mvovo.
^ Yovo “usikidiswa.”
^ Nanga Engipito yovo Faro andi.
^ Mvovo wa sina: “mpoka.”
^ Mvovo wa sina: “mpoka andi itundalala.”
^ Yovo “wisa kiandi.”
^ Yovo “mfundisa zame.”
^ Mvovo wa sina: “Ngatu vunisa ziku kiame.”
^ Yovo “banda kiandi.”
^ Yovo “matininu mandi.”
^ Mvovo wa sina: “Ozangwidi koko kwalunene kw’atantu andi.”
^ Yovo “vuluza moyo andi.”
^ Yovo “Seol,” i sia vo, ziami kia wantu awonso. Tala Nsas’a Mvovo.
^ Mvovo wa sina: “ndatini vana tulu kiame.”
