Nkunga 96:1-13
96 Nuyimbidila Yave nkung’ampa.+
Nuyimbidila Yave, e nza yawonso!+
2 Nuyimbidila Yave; nukembelela nkumbu andi.
Nusamuna e nsangu zambote za mpuluz’andi e lumbu ke lumbu.+
3 Nusamuna o nkembo andi muna zula,Yo mavangu mandi masivi muna nkangu miawonso.+
4 Yave wanene, yandi ofwene tambula nkembo wawonso.
Yandi ofwete vuminua ke mu nzambi zankaka ko.
5 E nzambi zawonso za nkangu, zakondwa o mfunu,+Vo i Yave yandi wavanga e zulu.+
6 O zitu yo nkembo una vana kena;+O nkuma yo vienga kuna muna nzo andi avauka.+
7 E makanda ma nkangu, nuvana kwa Yave kina kimfwanukini,Nuvana kwa Yave kina kimfwanukini muna diambu dia nkembo ye ngolo zandi.+
8 Nuvana kwa Yave o nkembo ufwanukini e nkumbu andi;+Nutwasa lukau, nukota muna yanzala yandi.
9 Nufukama vana ndose a* Yave ye mvuatu miavauka;*Nuzakama vana ndose andi, e yeno nkangu miawonso mia nza!
10 Nusamuna muna zula vo: “Yave okitukidi se Ntinu!+
O ntoto watoma sikidiswa, ke ulendi nikunua ko.
Ofundisila* nkangu kuna unsongi.”+
11 Yambula e zulu diamona kiese, e nza yayangalala;Yambula kalunga kwatalumuka ye yawonso ina mo;+
12 Yambula e yana yamona kiese ye yawonso ina mo.+
Yambula e nti miawonso mia mfinda miayengoloka ye kiese kumosi+
13 Vana vena Yave, kadi mu kwiza kena,* kafundisa e nza.
Okwiza fundisa e nza.
Ofundisila e nza* muna unsongi+Ye nkangu kuna ziku.+
Mvovo vana yand'a lukaya
^ Yovo “Nusambila.”
^ Nanga, “muna kuma kia nkembo a vauka kwandi.”
^ Yovo “Ovovela.”
^ Yovo “olweke.”
^ Yovo “ntoto uyimanga e mbongo.”
