Tuku 20:1-18
-
Sara ovukisu vana moko ma Abimeleke (1-18)
20 Abarayama oyalukidi kwakuna+ yo kwenda kuna nsi a Nengebe, oyantikidi zingila vana kati kwa Kadese+ ye Sure.+ Ekolo kazingidinge* muna Ngerare,+
2 Abarayama ovovele diaka mu kuma kia Sara wa nkaz’andi vo: “Ondioyo nsang’ame.”+ Muna diadi, Abimeleke wa ntinu a Ngerare otumisi Sara yo kumbonga.+
3 Kuna kwalanda, Nzambi wizidi kwa Abimeleke muna ndozi, muna fuku, umvovese vo: “Fwa ofwa mu kuma kia nkento obongele,+ kadi wasompwa, kwa yakala diankaka kavuilu.”+
4 Kansi, Abimeleke kasidi kumvanga diambu ko.* Muna kuma kiaki ovovele vo: “E Yave, nga ofwasa e zula kiakondwa e kuma?*
5 Nga ke Abarayama ko ovovele vo Sara ‘Nsang’ame’? Nga Sara mpe kavovele ko vo Abarayama ‘Mpangi ame’? Kikedi ye ngindu zambi ko. Kiazeye wo ko vo diambi yavangidi.”
6 O Nzambi aludi umvovese muna ndozi vo: “Nzeye wo vo kukele ye ngindu zambi ko, dianu isimini walembi kunsumukina. Ekiaki i kuma kiyambulwidi ko vo wamviakana.
7 Owau, vutula o nkaz’angani, kadi o muntu ndioyo ngunza,+ osamba mu kuma kiaku+ wakwamanana zinga. Kansi, avo kumvutwidi ko, zaya wo vo fwa ofwa, ongeye ye esi nzo aku awonso.”
8 Abimeleke osikamene muna menemene, obokele ntaudi zandi zawonso yo kubazayisa mawonso, bamwene kikilu o wonga.
9 I bosi, Abimeleke obokele Abarayama, unyuvuidi vo: “Nkia diambu diadi utuvangidi? Mu nkia diambu isumukini, otwasidi kwa mono ye kintinu kiame e sumu diampwena dia mpila yayi? Dina umpangidi ke diansongi ko.”
10 Abimeleke oyuvuidi diaka Abarayama vo: “Nkia kani okele diau vava ovangidi e diambu diadi?”+
11 Abarayama ovutwidi vo: “Kadi edi ngindwidi vo: ‘Kieleka, ova fulu kiaki ke vena vumi wa Nzambi ko, bekumponda mu kuma kia nkaz’ame.’+
12 Kuna diak’e sambu, oyandi nsang’ame kikilu, mwan’a se diame kansi ke mwan’a ngudi ame ko, i dianu yansompela.+
13 Muna kuma kiaki, vava Nzambi kampovesa vo yasisa e nzo a se diame,+ yavovesa Sara vo: ‘I wau wuwu okunsongela walakazi:* Konso fulu tukwenda, vova mu kuma kiame vo: “Ondioyu mpangi ame.”’”+
14 I bosi, Abimeleke obongele mameme ye ngombe ye ntaudi zamakala ye zamakento ubavene kwa Abarayama yo kumvutulwila Sara wa nkaz’andi.
15 Abimeleke ovovele mpe vo: “Tala, e nsi ame ina ova ndose aku. Kala kwaku konso kuna ozolele.”
16 Kuna kwa Sara ovovele vo: “Mpene 1.000 dia sekele za palata kwa mpangi aku.+ Ekiaki i sinsu kisonga kw’awana bena yaku ye kwa wantu akaka vo kuvangidi diambu diambi ko,* wavelela kwaku.”
17 Abarayama ododokele Nzambi aludi, Nzambi owukidi Abimeleke yo nkaz’andi ye ntaudi zandi zamakento, bayantikidi wuta o wana;
18 kadi Yave wakanga mawuta ma akento awonso a nzo a Abimeleke mu kuma kia Sara wa nkaz’a Abarayama.+
Mvovo vana yand'a lukaya
^ Yovo “kazingidinge se nzenza.”
^ Yovo “zula kiansongi.”
^ I sia vo, kasidi vukana yandi ko.
^ Mvovo wa Kiyibere una ye nsasa vo: “Zola ye walakazi ulembi suka.” Tala Nsas’a Mvovo. “Zola kulembi suka.”
^ Mvovo wa sina: “Ekiaki kikala se fukwa kia meso kwa ngeye.”
