Tuku 46:1-34
46 O Isaele obongele yawonso kakala yau,* wele. Vava kalweke vana Bere-seba,+ okelele yimenga kwa Nzambi a Isaki+ wa se diandi.
2 I bosi muna fuku, Nzambi omokene yo Isaele muna mona-meso, ovovele vo: “E Yakobo, e Yakobo!” Oyandi ovutwidi vo: “Mon’oyu!”
3 Nzambi ovovele vo: “Mono i Nzambi aludi, wa Nzambi a se diaku.+ Kumoni wonga ko wa kulumuka kuna Engipito, kadi i kûna ikukitulwila se zula kianene.+
4 Mono kibeni ikulumuka yaku kuna Engipito, mono kibeni ikutombola tuka kwakuna,+ Yosefe okuzima o meso vava ofwa.”*+
5 I bosi, Yakobo olondokele tuka vana Bere-seba. O wan’a Isaele banatini Yakobo wa se diau yo wan’au ye akento au muna makalu matwika Faro muna kubanata.
6 Babongele makambi mau ye mavua mau mana bavuila kuna nsi ya Kenani. Balweke muna Engipito, Yakobo ye esi nzo andi awonso.
7 Otwese muna Engipito wan’andi amakala, wan’andi amakento ye atekolo andi awonso—esi nzo andi awonso.
8 Ezazi i nkumbu za wan’a Isaele ana kayenda yau muna Engipito,+ o Yakobo yo wan’andi: O mwan’antete a Yakobo i Rubeni.+
9 O wan’a Rubeni: Kanoke, Palu, Keserone yo Kami.+
10 O wan’a Simeone:+ Yemwele, Yamini, Oade, Yakini, Soka yo Saulu,+ ona kawuta yo nkento a musi Kenani.
11 O wan’a Levi:+ Ngeresone, Koate yo Merare.+
12 O wan’a Yuda:+ Ere, Onane, Sela,+ Perese+ yo Zera.+ Kansi, Ere yo Onane bafwila muna nsi ya Kenani.+
O wan’a Perese: Keserone yo Kamule.+
13 O wan’a Yisakare: Tola, Puva, Yobe yo Simerone.+
14 O wan’a Zebulune:+ Serede, Elone yo Yakelele.+
15 Awaya i wan’a Lea, ana kawutila Yakobo kuna Padani-arami, kumosi yo Dina+ wa mwan’andi ankento. O wan’andi awonso amakala ye amakento* 33 bakala.
16 O wan’a Ngadi:+ Sifiyone, Kangi, Suni, Esebone, Eri, Arodi yo Areli.+
17 O wan’a Asere:+ Yimena, Yiseva, Yisevi yo Bereya. O Serake i nsang’au.
O wan’a Bereya: Kebe yo Malekiele.+
18 Awaya i wan’a Zilepa,+ ona Labani kavana kwa Lea wa mwan’andi ankento. Awaya i kawutila Yakobo: Yau awonso wantu* 16.
19 O wan’a Rakele wa nkaz’a Yakobo: Yosefe+ yo Benyamini.+
20 Kuna nsi a Engipito, Yosefe wawuta Manase+ yo Eferaime,+ ana Asenate+ wa mwan’ankento a Potifera, wa ngang’a One* kanwutila.
21 O wan’a Benyamini:+ Bela, Beke, Asebele, Ngera,+ Namani, Eyi, Rosi, Mupimi, Kupimi+ yo Arede.+
22 Awaya i wan’a Rakele ana kawutila Yakobo: Yau awonso wantu 14.
23 O mwan’a* Dani+ i Kusimi.+
24 O wan’a Nafetali:+ Yakesele, Nguni, Yesere yo Sileme.+
25 Awaya i wan’a Bila, ona Labani kavana kwa Rakele wa mwan’andi ankento. Awaya i kawutila Yakobo: Yau awonso wantu nsambwadi.
26 E mbongo yawonso yatuka muna Yakobo ina kayenda yau kuna Engipito, lembi tanga akento a wan’a Yakobo, 66.+
27 O wan’a Yosefe ana kawutila muna Engipito, nzole bakala. Wantu awonso a nzo a Yakobo ana bayenda kuna Engipito, 70.+
28 Yakobo otumini Yuda+ kuna ntwala kenda zayisa Yosefe vo oyandi mu kwenda kena kuna Ngosene. Vava balweke muna nsi a Ngosene,+
29 Yosefe okubikisi e kalu diandi, otombokele kuna Ngosene kawanana yo Isaele wa se diandi. Vava kayisunzwidi kwa yandi, vana vau umbimbakene* yo dila mu kolo kiandá.*
30 I bosi, o Isaele ovovese Yosefe vo: “Owau ndenda fwa kwame; kadi mbwen’e ndose aku yo zaya vo wakinu o moyo.”
31 Yosefe ovovese mpangi zandi ye esi nzo a se diandi vo: “Yambula ngienda zayisa Faro+ vo: ‘Mpangi zame ye esi nzo a se diame, ana bakala kuna Kenani, bezidi oku ngina.+
32 O wantu avungudi kwau,+ twelezi bevungulanga,+ batwese mameme mau ye ngombe zau ye yawonso bena yau.’+
33 Vava Faro kekunubokela yo kunuyuvula vo: ‘Nkia salu nusalanga?’
34 Nufwete vutula vo: ‘E ntaudi zaku mameme ye ngombe betwelanga tuka kileke kiau yamu wau, nze i mase meto,’+ kimana nuazingila muna nsi a Ngosene,+ kadi avungudi a mameme ke bazolakananga ko kwa esi Engipito.”+
Mvovo vana yand'a lukaya
^ Yovo “awonso bakala vo i bandi.”
^ I sia vo, okanga o meso ma Yakobo vava kefwa.
^ Yovo “Mioyo miawonso mia wan’andi amakala ye amakento.”
^ Yovo “mioyo.”
^ I sia vo, Eliopolise.
^ Mvovo wa sina: “wana.”
^ Mvovo wa sina: “ozingalakene muna nsingu andi.”
^ Yovo “odididi kwayingi vana nsingu andi.”
