Kala yo luzolo lwa longoka. Kuvilakani ko ekuma okuendelanga ku sikola. Dilenda kala vo mambu mayingi una longoka ku sikola ke mena kwandi mfunu ko kwa ngeye. Kansi zaya wo vo, o longoka mambu ma mpila mu mpila dilenda kusadisa mu zaya mambu mayingi muna zingu. Dilenda kusadisa mu “kituka mawonso kwa wantu a mpila zawonso,” okala wafwana mu mokena yo wantu a mpila mu mpila. (1 Korinto 9:22) Ediadi dilenda mpe kusadisa wayindulanga mu nzaki yo kutwasila nluta kuna sentu.

 Kala yo nyindu asikila mu kuma kia nlongi aku. Avo kuzolanga nlongi aku ko, landa o malongi mandi. Kuvilakani ko vo nlongi aku nkumbi miayingi kalongele kala longi diadi. Dianu vo, dilenda kala diampasi kwa yandi mu kala ye kiese kina kakala kiau mu mvu miavioka.

 Longi: Sonekanga mambu kelonganga, unyuvula yuvu yo yangalela malongi mandi. Avo avangidi wo, yeno awonso muna kalasi kieno mu kala ye kiese.

 Toma zaya tezo kiaku. O tanga sikola dilenda kusadisa mu zaya e tezo kia ngangu zaku zawonso. Paulu wa ntumwa wasonekena Timoteo vo: “Sadila o lukau lwa Nzambi kuna vema.” (2 Timoteo 1:6) Dialudi vo, Timoteo lukau lwa mwand’avelela kavewa. Kansi diavavanga kasadila “lukau” kavewa kwa Nzambi kimana lwa lembi kuyifwila kwandi. Avo ngangu una kuna sikola ke disongele ko vo Nzambi wavene e ngangu zazi mu mpila sivi. Kansi zaya dio vo ongeye una ye ngangu zina wantu akaka ke bena zau ko. Tanga sikola dilenda kusadisa mu vuatumuna e ngangu zaku.