Ayeyi i Nsas’a Zingu?

WINIKINA MU

Mvutu za Bibila

Wantu ayingi bevavanga zaya e nsas’a zingu. Bekukiyuvulanga: Ekuma twinina o vava? yovo Nga zingu kiame kina ye nsasa? Bibila kisonganga vo e kani dieto muna zingu i kala ye ngwizani ambote yo Nzambi. Tala e ludi kiasikila kina muna Bibila.

Nzambi i Mvangi eto. Bibila kivovanga vo: “[Nzambi] watuvanga, oyeto kwa yandi tuvuilu.”—Nkunga 100:3; Lusengomono 4:11.
Nzambi una ye kani mu kuma kia konso lekwa kavanga kumosi yo yeto.—Yesaya 45:18.
Nzambi watuvanga yo luzolo lwa zaya malongi mandi, kumosi ye luzolo lwa zaya e nsas’a zingu. (Matai 5:3) Nzambi ozolele vo twalungisa luzolo lwalu.—Nkunga 145:16.
Tulungisanga e nsatu zeto za mwanda muna kala ye ngwizani ambote yo Nzambi. Kanele vo akaka bemonanga vo diampasi mu kala nkundi a Nzambi, Bibila kikutukasakesanga vo: “Nufinama Nzambi, oyandi mpe okunufinama”—Yakobo 4:8; 2:23.
Muna kala nkundi a Nzambi, tufwete zingila e ngwizani ye kani dia Nzambi mu kuma kieto. Bibila kiyikanga e kani diadi muna Kimpovi 12:13: “Vumina Nzambi aludi yo lunda e nkanikinu miandi, kadi omama i mambu emvimba kafwete vanga o muntu.”
Kuna sentu tumona e ndungan’a kani dia Nzambi mu kuma kieto vava kefokola e mpasi yo vana moyo a mvu ya mvu kwa akundi andi ana bekunsambilanga.—Nkunga 37:10, 11.

Ntu mia Mambu Mena e Ngwizani

Moyo yo Lufwa Mvutu za Yuvu ya Bibila

Nanga Oyangalela Mpe Malongi Mama

MALONGI MA SINA MA BIBILA

Nga Olenda Kala Nkundi a Nzambi?

Tuka kolo o wantu bekalanga yo luzolo lwa zaya o Mvangi au. E Bibila kilenda kutusadisa mu kala akundi a Nzambi. O lubantiku lwa kikundi kiaki i zaya e nkumbu a Nzambi.