Кудайга жакын болуш үчүн эмне кылсаңар болот? Ан үчүн ушул макалаларда айтылган төмөнкү кеңештерге ылайык иш кылуу зарыл:

1. Кудайдын аты ким экенин билип, аны атынан атагыла

2. Дайыма Жахаба Кудайдан тиленип, аны менен сүйлөшүп тургула жана Ыйык Китепти изилдегиле

3. Дайыма Жахабага жакканды кылгыла

Ушул айтылгандарды кылып жатам деп айта аласыңарбы? Кайсынысына көбүрөөк көңүл бурушуңар керектигин байкадыңарбы? Албетте, бул күч-аракетти талап кылат, бирок мунун натыйжасы кандай болоруна көңүл бурсаңар.

Кошмо Штаттарда жашаган Женифер мындай дейт: «Жахаба менен жакын мамиледе болуш үчүн күч жумшоо — арзый турган иш. Анткени ага жакындаган сайын, ишенимибиз бекемделип, анын касиет-сапаты жөнүндө көбүрөөк биле беребиз жана эң негизгиси, ага болгон сүйүүбүз артат. Жашоодо мындан өтөр эч нерсе жок!»

Эгер Кудайга жакын болгуңар келсе, Жахабанын Күбөлөрү менен Ыйык Китепти бекер изилдесеңер болот. Андан сырткары, алар чогулган Падышалык залына барып, жыйналышына катышсаңар болот. Ал жактан Кудай менен болгон мамилесин жогору баалаган көптөгөн кишилерди жолуктура аласыңар *. Ошентсеңер: «Мага болсо Кудайга жакындаган жакшы»,— деп Кудайды даңктап ырдаган пайгамбардыкындай сезимде болосуңар (Забур 73:28).