Tihambula mu politike makanda timwisaka mpasi mu nza. Tintwari na tisalu tia Pew Research Center mu 2022, “65% ya bantu ba kûla ba nsi za 19 zi bataluzuri batêle ti mu nsi zawu tihambula tia ngolo tie kwe bantu bê mu bimvuka bia politike.”

 Ngano lwamweni ti tihambula mu politike tiakuriri mu mbuka yi lubâka? Mu bungu dia nti? Ngano tihambula mbo tiwâ? Tala misamu mi tâka Bibila.

 Bibila diatâ ti mu ntangu ya beto, yi batâka “bilumbu bia mansukina,” bantu babingi baketi bâ na bifu bihambasaka.

•   “Mu bilumbu bia mansukina, ntangu za mpasi mu vivirila zibâ kô. Bantu mbo babâ na bwimi, [. . .] mbo bakondo luzolo, tiwisa.”—2 Timote 3:1-3.

 Ntono ngolo zitomo sarilaka bantu, guvernema mpasi zita mona mu sala bubote. Bantu balembo wisanaka mpasi bamonaka mu sala ha timosi mu yirika misamu. Misamu mita moneka misingase misamu miatâ Bibila tûka ntama.

•   “Muntu bu wuyâlaka muntu [ni] mu mu mwisa mpasi.”—Ekleziaste 8:9.

 Kâ, Bibila disongele nti biyirika misamu—guvernema ye mu lutumu lwa muntu wukatula misamu mimwisaka bantu mpasi lumbu ti.

 Bibila mfumu ya yimosi yifwanane dizabikisaka: Yezu Kristo. Yezu lenda die nandi, timfumu, na nsatu ya nata bumosi na tidzunu kwe bantu babansoni.

•   “Mu bilumbu bîna, bantu ba sungama mbo bafula, mpe tidzunu mbo tisampa.”—Mikunga 72:7.

•   “Makanda mamansoni mbo mamusarila.”—Mikunga 72:11.

 Yezu mfumu yena yifwanane mu bungu ti bantu kabelokelaka bantu lwaka mpe zololo mu ba bakisa, nsungula bô ba bamwisaka mpasi.

•   “Yandi mbo kavukisa mputu yita mu lomba lubakusu, na muntu wa mpamba, na wô wulembolo na muntu mu mu kûla. Yandi mbo kabâ na tiari tia muntu wa mpamba na tia mputu, mpe mbo kavukisa luzingu lwa bamputu. Yandi mbo kabakûla mu nkwamusu na mu miangu.”—Mikunga 72:12-14.

 Zaba nsangu zakaka zitariri Timfumu tia Nzambi, guvernema ya ku zulu ye mu lutumu lwa Yezu. Dzukula bwe lendi tia bakila ndandu mpe bwe lendi yikila Timfumu tio moko.

•   Tala video ya Ngano Timfumu tia Nzambi ni nti?

•   Tanga mutu-diambu wa “Timfumu tia Nzambi—Guvernema yilembolo na bumbaki.”