Mu Bibila nsangu za mbote ba ntsoneka mo: bantu mbo bazinga ha zulu m’toto mankululu. (Mikunga 37:29) Bala ba mabuku 66 me mu kati. Bantu keti 40 Nzàmbi kasarila mu tsoneka dio. Mabuku ma matanu ma ntete, Moyize wa tsoneka mo m’vula 3 500 ziyokele. Buku dia mantsukini Za watsoneka dio m’vula 1 900 ziyokele. Ngana mabanza ma nani batsoniki ba Bibila batsoneka e? Nzàmbi weri zonza na batsoniki ba Bibila mu ndila ya mpeve andi yanlongo. (2 Samwele 23:2) Buna mabanza ma Nzàmbi batsoneka, ka ma bawu beni’ako.​—Tanga 2 Timote 3:16; 2 Piere 1:20, 21.

Tala video Ngano Bibila nani vwiri dio?

Tuzebi ti Bibila kwe Nzàmbi diatuka mubungu ti m’samu miyilama ku matu mia kazonzele na mpila yi miyilamana. Na kani muntu moshi ka lendaa ka sa buoko. (Yoswa 23:14) Nzàmbi Munkwa-Ngolo-Zazansoni lenda zaba mu matsieleka misamu mitakwiza ku matu.​—Tanga Izaya 42:9; 46:10.

Buku ditukiri kwe Nzàmbi difweti swasakana na mabuku makaka. Bibila mpe ni bo nkatika bo diena. Zimiliare za Bibila beka kaba mu nkama za mazu. Ni diba buku dia ntama, misamu mitaka Bibila miwisane na siance. Mpe misamu miatsoneka bantu bo ba 40 miwisane. * Diambu diakaka, misamu mitaka Bibila mitatarila luzolo mifweti tuka kwa kwe Nzàmbi ya luzolo, mpe tii lumbuti Bibila yatiri na lulendo lwa nata nsobolo za mbote mu luzingu lwa bantu. Miamiansoni mio mbo mitumaka bantu babingi mu kwikila ti Bibila diena zu dia Nzàmbi.​—Tanga 1 Bisi-Tesalonike 2:13

Tala video Bwe tulendi bela na lukwikulu ti Bibila kwe Nzambi diatuka?

Bibila nsangu za mbote divulu zonzelaka zo zitatarila misamu mikubikiri Nzàmbi mu bungu dia bantu. Matsonoko matutelele kabwe tahombesela luzingu lwa mbote ku nsaba ya nsayi mu ntangu ya bantu bantete mpe kabwe Nzàmbi kakarishila paradi ha m’toto.​—Tanga Nzabukusu 21:4, 5.

Mu Bibila mwena mpe na mishiku, ntumunu na malongi. Mwe mpe na bimoko bitasongela kabwe Nzàmbi kabelaka na bantu​—bimoko biango bifu bia Nzàmbi bitusongelaka. Ntsiangu Bibila dilenda kusarisa mu zaba Nzàmbi.​—Tanga Mikunga 19:7, 11; Zaki 2:23; 4:8.

Mwa mukanda wu mbo wukusarisa mu bakula Bibila wamana sarila mayela meri sarilaka Yezu. Yandi verse moshi keri tangaka ha manima ma verse yakaka mpe mbo keri hanaka mbangula ya matsonoko.​—Tanga Like 24:27, 45.

Ka kwena nsangu za mbote ko ziyokele nsangu zi tukiri kwe Nzàmbi. Kâ bantu bakaka kabakipaka zo ko, bakaka mpe nkeshi zibatumaka. Kâ nge, tatamana. Mu baka luzingu lwa mankululu fweti longoka mu zaba Nzàmbi.​—Tanga Za 17:3.