Kâni. Mbangi za Yehova ka zikalaka vaccin ko. Kwe beto, baka vaccin nzengolo yena yifweti bonga muna Mukristo. Mbangi za Yehova zazingi zisolaka mu baka vaccin.

 Mpila za bukila za mbote tudingaka na misamu miyirikaka tupitalu mu telamana bimbevo bia ngolo. Matondo mamingi tuvutulaka mu ngolo zi sarilaka badoktere mu kabasa bimbevo bia ngolo, nsungula mu ntangu ya mpasi.

 Mbangi za Yehova na badoktere zisalaka. Mu tifwani, mu ntangu ya timbevo tia coronavirus, Mbangi za Yehova zatatamane mu bambula mu nkama za mazu, mu site’awu, mu lomba kwe bantu mu zitisaka misiku mu tikengerela. Mu tifwani, mfunu ya lembo bundakanaka na bantu na mu lembo kutakanaka babingi, tûla muntu ha ngenga (quarantaine), sukula kwa moko, ndwatulu ya masque (bavette) na misiku miakaka mifwanane peleko mi lombaka luyalu.—Bisi-Rome 13:1, 2.

 Tûka mivu miamingi, mikanda mia Mbangi za Yehova miazonzela mitieno mita landa:

•   Misamu mitariri mpila za bukila, muntu yandi beni fweti bonga nzengolo.—Bisi-Ngalate 6:5.

   “[Mukanda wu] ka wuta tuma mpila ya bukila peleko bilongo ko ha kati dia mpila zazingi mpe ka wuhanaka malongi mu bungu dia mpila za bukila ko. Nsasa’andi ni mu nsongela misamu na mu bika bitangi biaswasikisa na mu bonga nzengolo.”—Réveillez-vous!, 8 février 1987.

   “Misamu wa zaba tala ti mwana’aku wufweti baka vaccin, nzengolo yena yi lufweti bonga beno beni.”—Réveillez-vous!, 22 août 1965.

•   Mpila za bukila tudingaka mu bungu ti luzingu ntalu lwena kwe beto.—Bisalu 17:28.

   “Mbangi za Yehova mpila za bukila zazingi basarilaka mu baka lubakusu mu bimbevo biawu. Bawu luzingu bazololo mpe bazololo basa miamiansoni midelakane na Bibila mu lambula lo.”—Nzo ya Zangama ya Munkengi, 1er juillet 1975.

   “Mbangi za Yehova mpila za bukila batambulaka mu mutima mosi, na bilongo. Bawu bazololo babâ na tikolela tia mbote, na mu lambula luzingu. Diangana, ntiana Like, Mukristo wa mbandu ya ntete, Mbangi za Yehova zakaka doktere zena. [. . .] Mbangi za Yehova, tisalu tisalaka badoktere na luhemo lwawu batomo zoloko. Bawu mpe, matondo bavutulaka mu bungu dia lutindusu lu ba hanaka bantu bo.”—Nzo ya Zangama ya Munkengi, 1er février 2011.