Mariya dia ku Magadala mulongoki weri wa kwikama wa Yezu. Nkumbu’andi ya magadala munvuka (ville) wa Magadala yizolo zonzelaka, weri penepene na mubu wa Galile.

 Mariya dia ku Magadala wumosi weri wa bakento beri kwe bakisi, beri kwe kipi mpe beri kwe yende na Yezu, mpe na milongoki miandi. (Like 8:1-3) Yandi wamona Yezu bu beri mu hondaka mpe mu lutangu lwa bantu ba ntete bamona Yezu keri bu kavumbuka kwe ba fwa.​—Marke 15:40; Za 20:11-18.

•  Ngano Mariya dia ku Magadala tiyala tieri?

•  Ngano Mariya dia ku Magadala “ntumwa ya bantumwa yeri”?

•  Ngano Mariya dia ku Magadala mukento wa Yezu Kristo weri?

•  Ngano mu Bibila bakento ba kwa batâka nkumbu Mariya?

 Bibila ka ditâka ko ti Mariya dia ku Magdala tiyala tieri. Mbo ditâka kwa ti Yezu demo nsambwari (7) kadukisa mu yandi.​—Like 8:2.

 Ngano mbanzulu zitâka ti ntete kalanda Yezu tiyala tiabâ kwe zatuka? Mvula zazingi ha manima ma lufwa lwandi, bantu beri tâka ti yandi na mukento weri tiyala wubalembo hanina nkumbu mu Bibila, wasukula malu ma Yezu nu mansangaza mandi mpe wakusuna mo na nsuki zandi, muntu wuosi kwa wena. (Like 7:36-38) Kâ, ka kwena musamu ko mu Bibila wisingasaka nkwikulu yo.

 Kâni. Mu dibundu dia Catholique Mariya mbo bamutâka “Santu Mariya dia ku Magadala” mpe “ntumwa ya bantumwa” mu bungu ti yandi weri muntu wa ntete watâ kwe bantumwa ti Yezu wavumbuka kwe ba fwa. (Za 20:18) Kâ musamu wo ka wulendi’â wasa ko ti yandi kabâ ntumwa. Bibila ka ditâka ko ti mpe, yandi ntumwa yeri.​—Like 6:12-16.

 Bibila bamanisa mu tsoneka dio ntangu fioti ntete nsuka ya mbandu ya ntete. Mvula zazingi ha manima, mfumu za mabundu zabonga nzengolo ya tâ Mariya dia ku Magadala “santu.” Matsonoko mamosi ma batsoneka mu mivu 100-300, matâka ti milongoki miakaka mia Yezu mbo mieri sîlaka Mariya dia ku Magadala timbanda. Kâ matsonoko mo ka mena mu Bibila ko. Binsamu bia tsoneka bantu kwa biena, ka biatûka mu Zu dia Nzambi.

 Kâni. Bibila mbo ditomo songelaka ti Yezu keri’â wakwela ko. a