Tiyuvu titariri nsasa ya luzingu balendi tiatarila mu mpila zazingi, ntiana “Mu bungu dia nti twe ha mutoto?” peleko “Kani dia luzingu lwani ni die?” Bibila beto disongela ti kani dia luzingu lweto ni mu tunga tindiku na Nzambi. Tataluzula matieleka ma mfunu ma zonzelaka Bibila.

•   Nzambi ni Mvangi’eto. Bibila ditêle: “Ni [Nzambi] watusala, ka beto beni’â ko.”​—Mikunga 100:3; Nzabukusu 4:11.

•   Nzambi kani die nandi mu bungu dia tima ni tima ti kayirika, na beto mpe.​—Izaya 45:18.

•   Nzambi watuyirika na “nsatu za timpeve,” zitariri mpe nsatu ya zaba nsasa ya luzingu. (Matie 5:3) Yandi zololo ti beto talungisa nsatu yo.​—Mikunga 145:16.

•   Tulendi lungisa nsantu zeto za timpeve, mwe na nsatu’eto ya zaba nsasa ya luzingu. (Matie 5:3) Babingi babanzaka ti ka tulendi’â tabâ ndiku za Nzambi ko; kâ Bibila ditêle: “Pusaneno kwe Nzambi, mpe Yandi mbo kapusana kwe beno“.​—Zaki 4:8; 2:23.

•   Mu bâ ndiku ya Nzambi, tufweti diatila tintwari na kani diandi. Bibila ditêle mu Ekleziaste 12:13: “Zitisa Nzambi mpe tumamana ntumunu zandi. Diangana, ni mio mifweti yirika bantu babansoni.”​—Parole de Vie.

•   Mu bilumbu bita kwiza, tulendi mona ndungananu ya kani dia ntete dia Nzambi, bu kakatula mpasi, mpe bu kahana luzingu lwa mankululu kwe ndiku zandi, bô bamusarilaka.​—Mikunga 37:10, 11.