Ngano Nzambi kwakwansoni kena?
Mvutu ya Bibila
Nzambi lendi mona bima biabiansioni mpe lendi yirika misamu kwakwansoni ku kazololo. (Bingana 15:3; Bahebre 4:13) Kâ Bibila ka dilongesaka ko ti Nzambi kwakwansoni kena na mu bima biabinsoni. Kâ, mbo ditâka ti timuntu tie nandi mpe mbuka ye nandi yi kabêlaka.
Mpila ye Nzambi: Mpeve yena. (Za 4:24) Bantu ka balendi’â bamumonaka ko. (Za 1:18) Mu bimona-meso bia Nzambi bie mu Bibila mbo bamonekesaka Nzambi na mbuka ya Yandi beni yi kabêlaka. Kani kabwe ka ditâka ko ti kwakwansoni kena.—Izaya 6:1, 2; Nzabukusu 4:2, 3, 8.
Mbuka yi bêlaka Nzambi: Nzambi mu mbuka ya timpeve kabêlaka, mbuka ya swaswana na bima bi kasala. Mu mbuka yo ya timpeve, Nzambi “mbuka ye nandi yi kabêlaka ku zulu.” (1 Mitinu 8:30) Bibila mbo dizonzelaka ntangu bivangu bia timpeve “biakota mu kwizi moneka ha matu ma Yehova;” a mpe musamu wo wusongele ti Nzambi mbuka ye nandi yi kabêlaka.—Yobe 1:6.
Tala ti Nzambi kena kwakwansoni ko, ngano meno kabelokelaka lwaka?
Yee. Nzambi muna muntu kabelokelaka lwaka. Ni bu sa ti mu mbuka ya timpeve kabêlaka, Nzambi bantu bô badingaka mu mu sarila kakipaka mpe bakisa kababakisaka. (1 Mitinu 8:39; 2 Ntangu 16:9) Tataleno bwe Yehova kasongelaka ti bisari biandi kabelokelaka lwaka:
Bu tusambilaka: Yehova lendi wâ tusambulu twaku buna kwa buta batika mu sambila.—2 Ntangu 18:31.
Bu bâka wa nôka: “Yehova penepene kena na bô bê na mitima mia lwala; bô bê ba nôka kavukisaka.”—Mikunga 34:18.
Bu bâka na nsatu lutwalusu: Yehova “mbo kakuhana lenda dia bakula mpe mbo kakulongesa” mu nzila ya Zu diandi Bibila.—Mikunga 32:8.
Mabanza ma mbi ma bâka na bantu bu banzaka ti Nzambi kwakwansoni kena
Mabanza ma mbi: Nzambi mu bivangu biandi biabiansoni kena.
Matieleka: Nzambi ka bâka ha mutoto ko peleko kuma ni kuma mu nza. (1 Mitinu 8:27) Diangana mbwetete na bivangu biakaka “mukembo wa Nzambi bisamunaka” (Mikunga 19:1) Kâ Nzambi ka bâka mu bivangu biandi ko, ntiana kwa muntu wuyirikaka binsinsia ka lendi’â kabâ mu binsinsia biandi ko. Tinsinsia tilendi tuzabikisa bwe muntu wasala tio kena. Mpila mosi mpe, bima bilembo monekaka mbo bitumonekesaka “bifu bilembo monekaka,” bia Nzambi’eto ntiana ngolo zandi, ndwenga zandi na luzolo lwandi.—Bisi-Rome 1:20.
Mabanza ma mbi: Nzambi fweti bâ kwakwansoni ngatu kazaba misamu miamisnoni mpe ngatu kabâ Nkwa-ngolo zazansoni.
Matieleka: Mpeve santu ni ngolo za sarila za Nzambi. Mu nzila ya mpeve santu, Nzambi lendi mona mpe lendi yirika misamu miamiansoni, kuma ni kuma mpe ntangu ni ntangu, ni kalembo bâ ho yandi beni.—Mikunga 139:7.
Mabanza ma mbi: Nzonzolo ye mu Mikunga 139:8 mbo yisingasaka ti Nzambi kwakwansoni kena. Verse yango yitêle: “Namana naka ku zulu, nge mbo bâ kô, mpe namana tûla mfulu’ani mu Ndiamu, tala! mbo bâ mô.”
Matieleka: Verse yo ka yizonzelaka mbuka yibâka Nzambi ko. Kâ, mu tifwani yisongelaka ti ka kwena mbuka ye mala na Nzambi ko ngatu katubakisa.
a Yehova ni nkumbu ya Nzambi yi zonzelaka Bibila.
Dzukula mpe...
BIYUVU BITARIRI BIBILA
Ngano mpeve santu ni nti?
Bibila mpeve santu dizonzelak ntiana “moko” ma Nzambi.
BETO NI BANANI?
Lomba vizite
Zonzela tiyuvu tia Bibila na Mbangi za Yehova, peleko tomo zaba Mbangi za Yehova.