SOMO 50
Nidhó familia ká ka ndi e hwè na ngbaribbai?—Sehemu ya 2
Nzø kʉ Yova dhó ro si ná kado. Ke jiri gø dhi ndrŭ b’o fø kado ronga bblo. Nja kpa nji ri fø d’e Yova bbʉ nyodyu dhi shauri kpa dho. Ke bbʉ ná shauri adi nzø ka ndima njí ná lo ma dhǒ ddi ndiro familia e hwè na d’e.
1. Yova ká bbʉ ngbá shauri gø dhi ndrŭ dho?
Yova jiri gø dhi ndrŭ ji ndima dhi nzø ji ndirigoti kpa di saa ba ndiro ndima di ddinga kpa na d’e. Ke jiri ki gø dhi ndrŭ b’o nzø ronga che kʉ ná lo ró ndirigoti kpa ddi Biblia nǎ longa nzø dho. (Mezali 1:8) Ke ripo nzø bai dho: “Anidi [nidhi nzø] ngu . . . Yova dhó lojadha na.” (Azø Waefeso 6:4.) Yova adi hwè ba njati gø dhi ndrŭ dyø ndi bbʉ ná shauri nzø ngudha djo ndirigoti nzá kpa bbá ndima dhó fø bbonga nja ndrŭ djo ró.
2. Yova ká bbʉ ngba shauri nzø dho?
Yova rija nzø dho ɨ: “Anirrnga nidhi gø dhi ndrŭ dho.” (Azø Wakolosai 3:20.) Nzø di ngarr ndirigoti heshima bbʉ ndima dhi gø dhi ndrŭ dho ró, føri na kpa hwè bbʉ Yova dho ndirigoti ndima dhi gø dhi ndrŭ dho. (Mezali 23:22-25) Yesu bba bblo kʉ ná loroji nzø dho. Ni mai ke ngʉe kaka ná ke ro, ke ngʉ ngarr ndirigoti heshima bbʉ ndidzá gø dhi ndrŭ dho.—Luka 2:51, 52.
3. Nidhó familia ká ka ndi ndri ndi ro ngbaribbai Mungu ro?
Njati ni é gø dhi le ró, ni ka ni jiri nidzá nzø ji Yova bbo ddiddi ni jirie ke nari bbai. Ni ká ka ni njí fø lo ngbaribbai? Fø lo ni ka ni njí Biblia po ná ɨ lo ni nji nari chulu: “Nidho ringani ni tsú [Yova dzá lo] nidzá nzø thí na ndirigoti ni d’ra ri kpa dho abba ni di ná saa na ma, ndirigoti chu lú ni bbí ná saa na ma.” (Kumbukumbu la Torati 6:7) “Lo le tsú le thí na” nari na mana kʉ longa le ddi bí ina le ngʉ ndi djolu ro nari. Ngbà ni churi nari bbai, nzø dho le adi ngʉ lo djolu bí ina ndiro nzø no ri nga d’e. Fø andiko na mana kʉ, ringani ni ba saa bí ina nja ni tilo Yova djo nidzá nzø na d’e. Ri kʉ bblo familia nǎ ndrŭ di saa ba krʉ yenga ddo kana nja ndima má Yova ddinga Biblia nǎ longa ndima ne nari chulu d’e. Nga ma nzø é nidhó ró, ri kʉ bblo ni di saa ba ni ne Biblia nǎ longa krʉ yenga ddo ró.
ANE LONANGA BBO
Anja ni ka ni njí ná lo ndiro nidhó familia é hwè na ndirigoti b’odidha na d’e.
4. Addi longa nidzá nzø dho jidha na
Nzø dho le longaddi nari nga e sʉsʉ ri. Nde Biblia ká ka ndi kó ni tsotso ngbaribbai? Azø Yakobo 1:19, 20, ndirigoti anitilo i ngadhudha djo:
-
Gø dhi ndrŭ ká ka ndima dhǒ jidha ngbaribbai ndima dhi nzø ma na ndima loti ná saa na?
-
Gø dhi ndrŭ dho ká ringani nzɨ ndima bbʉ nizamu ndima dhi nzø dho ka ndima nanga kani ná saa na addudho? a
5. Anib’o nidhi nzø ronga
Ndiro ni b’o nidhi nzø ronga d’e, ri kʉ bbo na mana kʉ ná lo ni di loti kpa na ngono dhi lo djo. Føri ka ndi njani kpakpa kʉ nari bbai. Aninja VIDEO, ndirigoti anitilo i ngadhudha djo.
-
Ká addudho nja gø dhi ndrŭ dho rie kpakpa ndima tilo ndima dhi nzø na ngono djo?
-
Nja gø dhi ndrŭ ká lørie ngbá chu nja ndima tilo ndima dhi nzø na ngono djo d’e?
Unabi pongʉeri nari bbai, Shetani dhó ɨ dz’ djó lo tso ra che pli anzi. Azø 2 Timoteo 3:1, 13, ndirigoti anitilo i ngadhudha djo:
-
Verse 13 tilo djo ná che kʉ ná kpa kana nja ri kʉ ngono dhi lo kana adi riji ndima njiri che nzø ró ná kpa. Føri dho, ri ká kʉ bbo na mana kʉ ná lo addudho gø dhi ndrŭ di loti ndima dhi nzø na ngono djo ndirigoti ngbaribbai ma nzø ka ndima b’o ndima ronga fø che kʉ ná kpa ró nari djo?
Ni ká churi ngbà?
Yova dzá Dimu dhó bí kʉ ná vichapo adi gø dhi ndrŭ tsotso kó nja kpa ddi longa ndima dhi nzø dho ngono djo ndirigoti ri b’o nzø ronga che riji ndima njiri nzø ró ná kpa ró d’e. Loroji na, anja:
-
Anib’o nidhi nzø ronga (video)
-
“Ufundishe Mutoto Wako Kuhusu Ngono” (Amuka! Na. 5 2016)
6. Anirrnga nidhi gø dhi ndrŭ dho
Nzø ma, wøkatsi nzø ma na ka ndima bbʉ heshima ndima dhi gø dhi ndrŭ dho bblo ndima loti kpa na nari chulu.Aninja VIDEO, ndirigoti anitilo i ngadhudha djo.
-
Ká addudho jadda nzø dho ringani ndima njí kpakpanga ndiro ndima tilo heshima na ndima dhi gø dhi ndrŭ na d’e?
-
Jadda nzø ká ka ndima tilo ndima dhi gø dhi ndrŭ na ngbaribbai ndiro ndima dhori ndima heshima bbʉ nì kpa dho d’e?
Azø Mezali 1:8, ndirigoti anitilo i ngadhudha djo:
-
Jadda nzø dho ká ringani ndima njiri ngbǎ njati kpa dhi gø dhi ndrŭ di loja kpa dho ró?
7. Yova le má familia nǎ nari
Yova dzá Dimu kʉ ná familia adi saa ro ba krʉ yenga ddo kana ndiro ndima má Yova familia nǎ ddinga d’e. Føri ká kpa ka ndima njí ngbaribbai? Aninja VIDEO, ndirigoti anitilo i ngadhudha djo.
-
Familia nǎ ndrŭ ká ka ndima kpé ndima dhó programu ngbaribbai nja ndima njí ibada ya familia krʉ yenga ddo ró d’e?
-
Gø dhi le ká ka ndi njiri ngbǎ ndiro ibada ya familia le nji nari kó ndrŭ krʉ tsotso ndirigoti ri bbʉ hwè ndrŭ krʉ dho d’e?—Anja ɨ somo tso le nga ná ngana kʉ ná ji.
-
Addui ká ka ndi liri ibada ya familia le nji nari e kpakpa kʉ ná lo nidhó familia dho?
Izraeli bbá drrdrr, Yova jingʉeri familia di loti bí ina Biblia nǎ lo djo. Azø Kumbukumbu la Torati 6:6, 7, ndirigoti anitilo i ngadhudha djo:
-
Ni ká ka ni njinjí fø yadha na ngbaribbai?
Ibada ya familia nǎ le ka le nji ná lo:
-
Aninji matayarisho kutaniko nǎ njudha dho.
-
Anizø ndirigoti anitilo Biblia nǎ ngba ka ndi bbʉ hwè nidhó familia dho ná lo djo.
-
Njati nidzá e rere nzø ró, aninjinjí nzø dho le thɨ jw.org djó ná karte na.
-
Njati nidzá e jadda nzø ró, anitilo jadda kpa adi dhú ndima tso ná lo djo jw.org djó ndi kʉ ro.
-
Aninji kpà (muchezo) nidzá nzø ma na Biblia nǎ historia djo.
-
Aninja jw.org djó kʉ ná video nidzá nzø ma na ndirigoti anitilo ri djo.
NJA NDRŬ ADI RIPO: “Biblia nǎ kʉ ná lo kʉ kpakpa nzø dho.”
-
Nde ni ká ka ni poeri ngbǎ?
LO DZÁ DɄNGA
Yova jiri gø dhi ndrŭ ji ndima dhi nzø ji, kpa ddi longa nzø dho ndirigoti kpa b’o nzø ronga b’o. Ke jiri nzø rrnga ndirigoti nzø bbʉ heshima ndima dhi gø dhi ndrŭ dho. Godhé ke jiri familia nǎ ndrŭ má ndi ddinga.
Lo djolu le ngʉ nari
-
Gø dhi ndrŭ ká ka ndima ddi longa ndima dhi nzø dho ndirigoti ndima b’o kpa ronga ngbaribbai?
-
Nzø ká ka ndima bbʉ heshima ndima dhi gø dhi ndrŭ dho ngbaribbai?
-
Krʉ yenga ddo kana, le saa ba le njí ibada ya familia nari ká ka ndi bbʉ ngbá faida?
NI KA NI CHU NÁ NJA LO
Nidzá ngba dho ká ringani ndi jifunza ngbá lo ndiri si ngba tsotso ko dhi ndi dhi ná saa na d’e?
“Somo Sita Zenye Watoto Wanapaswa Kujifunza” (Amuka! Na. 2 2019)
Aneri ni chu Biblia bbʉ ná shauri ndima dhi ngó ngʉ ná gø dhi ndrŭ ronga b’o ná ndrŭ dho.
“Biblia Inasema Nini Juu ya Kuchunga Wazazi Wenye Kuzeeka?” (Jw.org djó kʉ ná lo)
Anja ngbaribbai ma nzá chungʉe nzø ngudha bblo ná ke ngʉngʉe bblo kʉ ná dza ba nari.
Yova dhongʉe ngbaribbai ma ko ka ko ddi longa kodhi nzø dho nari (5:58)
Anja ngbaribbai ma nzø bai ka ndima li ndima kana kau kpakpa ndima dhi nzø na nari.
a Biblia nǎ, “nizamu” le nzi nari kʉ longa le ddi nari ma, chutso le ddá nari ma, ndirigoti o le o che kʉ ná lo djó ngba na nari ma na. Føri na mana nga kʉ le bbʉ makali kʉ ná malipizi inga le vó ngba ronga vó ri.—Mezali 4:1.
