Zabbuli 82:1-8
Zabbuli ya Asafu.+
82 Katonda ayimirira mu lukiiko lwe;+Alamulira wakati mu bakatonda,* n’agamba nti:+
2 “Mulituusa wa okusala emisango mu butali bwenkanya+N’okwekubiira ku ludda lw’ababi?+ (Seera)
3 Mulamulenga omunaku n’atalina kitaawe.+
Mubenga benkanya eri ateesobola era omwavu.+
4 Mununulenga omunaku n’omwavu;Mubalokolenga mu mukono gw’omubi.”
5 Abalamuzi tebamanyi era tebategeera;+Batambulira mu kizikiza;Emisingi gyonna egy’ensi gikankana.+
6 “Ŋŋambye nti, ‘Muli bakatonda,*+Mmwenna muli baana b’oyo Asingayo Okuba Waggulu.
7 Kyokka mulifa ng’abantu bwe bafa;+Ng’abaami abalala bwe basaanawo nammwe bwe mutyo bwe mulisaanawo!’”+
8 Yimuka Ai Katonda olamule ensi,+Kubanga amawanga gonna gago.
