’Ba Betelia ’diyi azi ndu ndu kakau nga azakoma fezu e’yo oluza suru alu kaniku kakau ma alea ’diyi ni. Ecoki ovu ’ba ti ndu ndu ojapi, gazeti gbapi, buku gbapi, buku awapi, ’ba ongo azini vidio ofupi azi ndu ndu ’diyi pie ’diyi ru.

Adripika Azi Ofisia ’Diyi Otupiri azi one ni. Adripi Otuta Otupi Wudrikurusi ’Diyi mbaza ogogo na ma drilea ’diyi ope ovuzu Amuti Ofisi alu alu ma alea ri ru. Amuti ’diri e’yo dria dria ’yepiru suru eyini azi ngazu alenia ’diyi ma palaa ri ma o’duko fe Adripi Otuta Otupi Wudrikurusi ’Diyi pini. O’duko eyini fe ’diri Adripi Otuta Otupi Wudrikurusi ’Diyi ma aza ko e’yo eyini eco gba buku o’di ’diyi pi ma alea riki nizu, e’yo le ’ba ma imba okuza were were ’diyi pi ma alea okuza ambo ambo ’diyi pie ri be. ’Ba pa sopi Adripi Otuta Otupi Wudrikurusi ’Diyi pi ma paria ’diyi ofisi ndu ndu dria eyi andri azakoma fezu Adripika Azi Ofisia ’Diyi Otupiri pini azi eyini ri ngazu kililiru. (E’yo O’beza 11:14) Sawa adripika pa sopi Adripika Otuta Otupi ’diyi ma paria ’diyi pini emuzu risi, ’ba otuta otu ’ba ovupi ofisi ’di ma palaa ’diyi pini e’yo oluza erini ri erizu eyini asi omiza isuzu.

Eri atita fe ongulumu eri ma palaa ’diyi pini. Adripika azi ofisia ’diyi otupi ’diyi ongulumu o’di ’diyi e’do azini eyi mbaza ki ope ’ba azi ma aza kopi ’diyi pie. Eyi vini azi payonia ni, misonari pie azini adripi Sakiti andripi ofisi ’da ma palaa ’diyi vu ri otu. Eyi okuza dria ambo ambo ’diyi ki otu, Jo Karini (Kingdom Hall) ma siza pie, azini buku ma awaza ongulumu dria niri pie. Azi dria ’bani nga ofisia ’diyi fe geri e’yo oluzuri ni aci kililiru.—1 ’Ba Korintoa ’Diyi 14:33, 40.

• Adripika Azi Ofisia ’Diyi Otupiri Adripi Otuta Otupi Wudrikurusi ’Diyi ma aza ko ngoni ngoni?

• Azi ’bani nga ofisi dria ma alea ’diyi ngoki?