Bokonzi ya Nzambe ezali nini?
Okoloba ete ezali . . .
-
eloko moko na kati ya motema na yo?
-
maloba ya elilingi?
-
boyangeli moko na likoló?
BIBLIA ELOBI ETE
“Nzambe ya likoló akotya bokonzi moko oyo ekobebisama te.”—Danyele 2:44, Libongoli ya Mokili ya Sika.
“Baboteli biso mwana, bapesi biso mwana mobali; mpe boyangeli ekozala na lipeka na ye.”—Yisaya 9:6.
BOLAMU NINI OKOZWA?
-
Boyangeli moko ya sembo oyo ekoki komemela yo matomba.—Yisaya 48:17, 18.
-
Na mokili ya sika oyo ezali koya, bomoi ekozala ya kokoka mpe ya esengo.—Emoniseli 21:3, 4.
TOKOKI MPENZA KONDIMA OYO BIBLIA ELOBI?
Ɛɛ, mpo na ntina mibale oyo:
-
Yesu amonisaki makambo oyo Bokonzi ya Nzambe ekosala. Yesu ateyaki bayekoli na ye bábondelaka Nzambe ete Bokonzi na ye eya mpe mokano na ye esalema awa na mabele. (Matai 6:9, 10) Yesu amonisaki ndenge oyo Nzambe akoyanola na libondeli yango.
Ntango Yesu azalaki awa na mabele, aleisaki bato oyo bazalaki na nzala, abikisaki bato ya maladi mpe azongisaki bakufi na bomoi! (Matai 15:29-38; Yoane 11:38-44) Lokola Yesu akozala Mokonzi na Bokonzi ya Nzambe, amonisaki mwa moke makambo ya malamu oyo Bokonzi yango ekosala mpo na bato.—Emoniseli 11:15.
-
Makambo oyo ezali kosalema na mokili endimisi biso ete etikali moke Bokonzi ya Nzambe eya. Yesu asakolaki ete mwa moke liboso Bokonzi yango etya kimya na mabele, bitumba, nzala mpe koningana ya mabele ekozala na bisika ndenge na ndenge.—Matai 24:3, 7.
Lelo oyo, tozali mpenza komona makambo yango. Na yango, tokoki mpenza kondima ete Bokonzi ya Nzambe ekosukisa mikakatano wana nyonso.
KANISÁ NAINO
Bomoi ekozala ndenge nini ntango Bokonzi ya Nzambe ekoyangela?
Biblia epesi eyano na motuna yango na NZEMBO 37:29 mpe YISAYA 65:21-23.
Talá mpe...
MATEYA MPENZA YA BIBLIA
Bokonzi ya Nzambe ezali nini?
Ntango Yesu azalaki awa na mabele, ateyaki makambo etali Bokonzi ya Nzambe koleka makambo mosusu nyonso.
LINƆ́NGI YA MOSƐNZƐLI
Bokonzi ya Nzambe ekosala makambo nini?
Yesu ayebaki ete kaka Bokonzi ya Nzambe nde ekosilisa makambo ya mabe oyo ezali kosalema na mokili. Makambo nini Bokonzi ya Nzambe esí esali oyo ebakisi kondima na yo?
BIYANO NA MITUNA YA BIBLIA
Ndenge nini kimya ekokɔta na mokili?
Talá ndenge Bokonzi ya Nzambe ekokokisa elaka oyo apesi ya kotya kimya na mokili.
LINƆ́NGI YA MOSƐNZƐLI
Bokonzi ya Nzambe—Guvɛrnema oyo ezangi kanyaka
Makambo motoba oyo etali Bokonzi ya Nzambe emonisi ete ekozala na kanyaka ata moke te.
OLINGI KOYEBA BISO?
Mpo na nini koyekola Biblia?—Mobimba na yango
Biblia epesi biyano na mituna minene oyo etali bomoi oyo bamilio ya bato na mokili mobimba bamitunaka. Okosepela kozala moko ya bato yango?
MATEYA YA BIBLIA
Meká boyekoli na biso ya Biblia
Bandá boyekoli ya Biblia ofele mpe talá makambo oyo esengeli kosala.
