Hosea 4:1-19
4 Ee bato ya Yisraele, bóyoka liloba ya Yehova,Mpo Yehova azali na likambo ya kosambisa bafandi ya mokili yango,+Mpamba te solo ezali te, bolingo ya sembo te, mpe boyebi ya Nzambe te na mokili yango.+
2 Bipai nyonso, bato bazali kolapa bandai ya lokuta, kokosa,+ koboma,+Koyiba mpe kosala ekobo.+Mpe bazali kosopa makila ya moto moko nsima ya mosusu.+
3 Yango wana ekólo yango ekozala na mawa makasi+Mpe bafandi na yango bakosila mokomoko.Banyama ya zamba oyo efandaka na mboka, bandɛkɛ ya likoló,Ata mpe bambisi ya mbu ekokufa.
4 “Nzokande, moto moko te awelana ná moninga to apamela ye,+Mpo bato na yo bazali lokola bato oyo bazali kowelana ná nganga-nzambe.+
5 Yango wana okobɛta libaku na moi makasiMpe mosakoli akobɛta libaku elongo na yo lokola nde ezalaki na butu.
Mpe nakokangisa mama na yo monɔkɔ.*
6 Bato na ngai bakobomama* mpo boyebi ezali te.
Lokola obwaki boyebi,+Ngai mpe nakobwaka yo mpo osalela ngai lisusu te mosala ya nganga-nzambe;Mpe lokola obosani mobeko* ya Nzambe na yo,+Ngai mpe nakobosana bana na yo.
7 Ntango bazalaki kokóma ebele, bazalaki mpe kosalela ngai masumu ebele.+
Nakobongola nkembo na bango nsɔni.*
8 Bazali kobikela* na lisumu ya bato na ngai,Mpe bazali na lokoso mpo na* mabunga ya bato na ngai.
9 Ekozala ndenge moko mpo na bato ya ekólo mpe nganga-nzambe;Nakosɛnga bango bázongisa monɔkɔ mpo na banzela na bango,Mpe nakotika bango bábuka mbuma ya misala na bango.+
10 Bakolya kasi bakotonda te.+
Bakosangisa nzoto na bato ebele,* kasi bakokóma mingi te,+Mpo bazangi limemya epai ya Yehova.
11 Bondumba,* vinyo mpe vinyo ya sika,Elongolaka mposa ya kosala oyo ezali sembo.*+
12 Bato na ngai bazali kotuna makambo epai ya bikeko na bango ya nzete,Bazali kosala makambo oyo lingenda* na bango eyebisi bango;Mpo elimo ya bondumba* esali ete bábunga nzela,Mpe na bondumba na bango, baboyi komikitisa liboso ya Nzambe na bango.
13 Na likoló ya bangomba bazali kopesa bambeka,+Na likoló ya bangomba mike bazali komatisa milinga ya mbeka,Mpe na nse ya banzete minene, banzete ya sitirakisi mpe nzete monene nyonso,+Mpo elili na yango ezali malamu.
Yango wana bana na bino ya basi bazali kosala bondumba*Mpe basi ya bana na bino bazali kosala ekobo.
14 Nakosɛnga te ete bana na bino ya basi bázongisa monɔkɔ mpo na bondumba* na bango,To basi ya bana na bino mpo na ekobo na bango.
Mpo mibali bazali kokende ná basi ya ndumba,Mpe bazali kopesa bambeka elongo na bandumba ya tempelo;Bato ya ndenge wana oyo bazangi mayele+ bakobebisama.
15 Atako ozali kosala bondumba,* Ee Yisraele,+Yuda amema ngambo te.+
Bóya na Gilgale te+ to na Bete-avene te,+Mpe bólapa ndai te ete: ‘Lokola Yehova azali solo na bomoi!’+
16 Mpo Yisraele akómi motó makasi lokola ngɔmbɛ-mwasi ya motó makasi.+
Sikoyo Yehova akokamba bango lokola mobateli-mpate akambaka mwana-mpate na esika monene ya koleisa bibwɛlɛ matiti?*
17 Efraime akangani na bikeko.+
Bótika ye!
18 Lokola masanga* na bango esili,Bakómi kosangisa nzoto na bato ebele.*
Bayangeli* na bango balingá makambo ya nsɔni.+
19 Mopɛpɛ ekozinga ye* na kati ya mapapu na yango,Mpe bakoyoka nsɔni mpo na bambeka na bango.”
Maloba na nse
^ To, “nakobebisa mama na yo.”
^ To, “mateya.”
^ To, “bakosuka.”
^ To mbala mosusu, “Batye nsɔni na esika ya nkembo na ngai.”
^ To, “komileisa.”
^ To, “bazali kotombola molimo na bango na.” Talá Ndimbola ya maloba, “Molimo.”
^ To, “Bakosala pite mingi; Bakosala bondumba.”
^ Lil., “elongolaka motema.”
^ To, “Pite; Kosangisa nzoto na bato ndenge na ndenge.”
^ To, “mwa nzete mpo na koyeba makambo oyo ebombaná.”
^ To, “pite; kosangisa nzoto na bato ndenge na ndenge.”
^ To, “pite; kosangisa nzoto na bato ndenge na ndenge.”
^ To, “pite; kosangisa nzoto na bato ndenge na ndenge.”
^ To, “pite; kosangisa nzoto na bato ndenge na ndenge.”
^ Lil., “esika monene.”
^ To, “masanga oyo basali na blé.”
^ To, “kosala pite mingi; kosala bondumba.”
^ Lil., “Banguba.”
^ To, “ekomema ye.”
