Nzembo 39:1-13
Epai ya mokambi ya nzembo; ya Yedutune.*+ Mondule ya Davidi.
39 Nalobaki ete: “Nakozala ekɛngɛ na etamboli na ngaiMpo nasala lisumu te na lolemo na ngai.+
Nakotya na monɔkɔ na ngai eloko ya kokanga monɔkɔ+Ntango nyonso oyo moto mabe akozala pene na ngai.”
2 Nakómaki moto oyo alobaka te mpe nafandaki nyɛɛ;+Nafandaki kimya ata mpo na likambo oyo ezali malamu,Kasi mpasi na ngai ezalaki makasi.
3 Motema na ngai ezalaki kopela* na kati na ngai.
Wana nazalaki kokanisa mingi, mɔtɔ ezalaki kaka kopela.
Bongo lolemo na ngai elobaki ete:
4 “Ee Yehova, salisá ngai nayeba ndenge nsuka na ngai ekozala,Mpe motángo ya mikolo na ngai,+Mpo nayeba ndenge oyo bomoi na ngai ezali mokuse.
5 Opesi ngai kaka bomoi mokuse;*+Mpe mikolo ya bomoi na ngai ezali eloko te liboso na yo.+
Ya solo moto nyonso ata soki amonani ete atɛlɛmi ngwi, azali kaka mwa mopɛpɛ.+ (Sela)
6 Ya solo moto nyonso azali kotambola epai na epai lokola elili.
Azali kokima mbangu* kaka mpamba.
Azali konduka bozwi, kasi ayebi te nani akosalela yango.+
7 Ee Yehova, natya elikya na nini?
Yo kaka nde elikya na ngai.
8 Bikisá ngai na misala na ngai nyonso ya kobuka mibeko.+
Kotika te ete zoba akómisa ngai eloko ya kotyola.
9 Nazalaki koloba te;Nakokaki kofungola monɔkɔ na ngai te,+Mpo yango eutaki epai na yo.+
10 Longolá etumbu oyo opesi ngai.
Nasili makasi mpo lobɔkɔ na yo ebɛti ngai.
11 Osemboli moto na nzela ya etumbu mpo na libunga na ye;+Olye biloko na ye ya motuya ndenge kaka ndɔngɛ elyaka.
Ya solo moto nyonso azali kaka mwa mopɛpɛ.+ (Sela)
12 Ee Yehova, yoká libondeli na ngai,Tyá litoi na kolela na ngai mpo na kosɛnga lisalisi.+
Kosala te lokola nde omoni mai ya miso na ngai te.
Mpo nazali kaka moto oyo afandi mopaya epai na yo,+Moto ya mobembo oyo azali koleka nzela,* kaka lokola bankɔkɔ na ngai nyonso.+
13 Kotala ngai na nkanda na yo te, mpo nazwa lisusu makasiLiboso ete nakufa mpe nazala lisusu te.”
Maloba na nse
^ Talá Ndimbola ya maloba.
^ Lil., “ekómaki mɔtɔ.”
^ Lil., “mwa batandu.”
^ Lil., “kosala makɛlɛlɛ.”
^ To, “Moto oyo auti mboka mosusu.”
