Nzembo 66:1-20
Epai ya mokambi ya nzembo. Loyembo. Mondule.
66 Bino bato nyonso ya mabele, bóganga mpo na Nzambe koganga ya bolongi.+
2 Bóyemba mpo na kosanzola* nkembo ya nkombo na ye.
Bópesa lisanzoli na ye nkembo.+
3 Bóloba na Nzambe ete: “Misala na yo ezali mpenza nsɔmɔ!+
Mpo na makasi mingi oyo ozali na yango,Banguna na yo bakoya liboso na yo na kolɛnga.+
4 Bato nyonso ya mabele bakogumbamela yo;+Bakoyemba mpo na kosanzola yo;Bakoyemba mpo na kosanzola nkombo na yo.”+ (Sela)
5 Bóya komona misala ya Nzambe.
Misala oyo asalelaka bana ya bato ezali nsɔmɔ.+
6 Abongolaki mbu mabele oyo ekauki;+Bakatisaki ebale na makolo.+
Kuna tosepelaki na ye.+
7 Ayangelaka na nguya na ye mpo na libela.+
Miso na ye ezali kotalatala bikólo.+
Baoyo bazali motó makasi, basengeli te komitombola.+ (Sela)
8 Bósanzola Nzambe, bino bato ya bikólo,+Mpe tiká mongongo ya lisanzoli na ye eyokana.
9 Abatelaka bomoi* na biso;+Apesaka nzela te ete makolo na biso ebɛta libaku.*+
10 Mpo otalitali biso, Ee Nzambe;+Opɛtoli biso ndenge bapɛtolaka palata.
11 Okɔtisi biso na monyama ya bokila;Omemisi biso mokumba ya mpasi mpenza.*
12 Otikaki moto, mowei mpamba, atambola likoló ya mitó na biso;Tolekaki na kati ya mɔtɔ mpe na kati ya mai;Bongo omemaki biso tii na esika ya kokitisa motema.
13 Nakokɔta na ndako na yo na makabo ya kotumba mobimba;+Nakokokisa bilako na ngai epai na yo+
14 Oyo mbɛbu na ngai elakaki+Mpe oyo monɔkɔ na ngai elobaki ntango nazalaki na mitungisi.
15 Nakopesa yo makabo ya kotumba ya banyama ya mafutamafutaNá milinga ya mbeka ya bampate-mibali.
Nakopesa bangɔmbɛ-mibali ná bantaba-mibali. (Sela)
16 Bino nyonso baoyo bobangaka Nzambe, bóya koyoka,Mpe nakoyebisa bino likambo oyo asaleli ngai.+
17 Nabelelaki ye na monɔkɔ na ngaiMpe nakumisaki ye na lolemo na ngai.
18 Soki na motema na ngai nabatelaki eloko oyo eyokisaka mpasi,Yehova alingaki koyoka ngai te.+
19 Kasi Nzambe ayokaki;+Atyelaki libondeli na ngai likebi.+
20 Nzambe asanzolama, ye oyo aboyaki libondeli na ngai teTo aboyeli ngai te bolingo na ye ya sembo.
Maloba na nse
^ To, “Bóbɛta miziki mpo na.”
^ To, “molimo.”
^ To, “etengatenga.”
^ Lil., “Otye kilo na loketo na biso.”
