Yobo 38:1-41
38 Bongo Yehova ayanolaki Yobo na kati ya mopɛpɛ makasi ete:+
2 “Nani oyo azali kobebisa toli na ngaiMpe azali koloba kozanga boyebi?+
3 Nabondeli yo, omibongisa lokola mobali;Nakotuna yo mituna, mpe okoyanola ngai.
4 Ozalaki wapi ntango natyaki moboko ya mabele?+
Yebisá ngai, soki okanisi ete ozali na mayele.
5 Nani atyá molai na yango, soki oyebi,To nani atandaki nsinga ya komeka molai na yango?
6 Bitɛlɛmiselo na yango epikamaki na kati ya nini,To nani atyaki libanga na yango ya ntina mingi,*+
7 Ntango minzoto ya ntɔngɔ+ egangaki elongo na esengo,Mpe bana nyonso ya Nzambe*+ babandaki koganga na esengo mpe kobɛta mabɔkɔ?
8 Nani akangaki mbu na baporte+Ntango ezalaki kobima na libumu,
9 Ntango nalatisaki yango mapataMpe nazipaki* yango molili makasi mpenza
10 Ntango natyelaki yango ndelo na ngaiMpe natyelaki yango bikangiseli ná baporte,+
11 Mpe nalobaki: ‘Okoki koya tii awa, kasi koleka te;Awa nde lolendo ya mbonge na yo esuki’?+
12 Osilá* kopesa ntɔngɔ mitindoTo osalá nde ete kotana ya ntɔngɔ eyeba esika na yango,+
13 Yo nde oyebisaki pole ya ntɔngɔ ekende na bansuka ya mokiliMpe elongola bato mabe?+
14 Ebongwanaka lokola mabele* na nse ya kashɛ,Mpe biloko na yango emonanaka lokola oyo ya elamba.
15 Kasi baboyeli bato mabe pole na bango,Mpe lobɔkɔ na bango oyo etombwani ezali kobukana.
16 Okitá tii na maziba ya mbuTo otambolatambolá koluka mai mozindo?+
17 Balakisá yo baporte ya liwa,+To omoná baporte ya molili makasi?*+
18 Okangá ntina ya bonene ya mabele?+
Yebisá ngai, soki oyebi yango nyonso.
19 Pole efandaka mpenza wapi?+
Mpe molili efandaka mpenza wapi,
20 Mpo omema yango na teritware na yangoMpe okanga ntina ya babalabala oyo ekei na ndako na yango?
21 Oyebi yango mpo osilaki kobotamaMpe motángo ya bambula* na yo ezali ebele mpenza?
22 Okɔtá nde na bandako ya kobomba nɛjɛ,+To omoná ata bandako ya kobomba mbula ya mabanga,+
23 Oyo nabombá mpo na ntango ya mpasi,Mpo na mokolo ya kobunda mpe ya etumba?+
24 Epai wapi pole* ebandaka kokabwana,Mpe epai wapi mopɛpɛ ya ɛsti ebɛtaka na mabele?+
25 Nani akabolá nzela ya mai mpo na mpelaMpe asalá nzela mpo na lipata ya mbula ya mopɛpɛ makasi ya bankake,+
26 Mpo na konɔkisa mbula na esika oyo moto moko te afandaka,Na esobe esika oyo moto moko te azali,+
27 Mpo na kotondisa bisika oyo ebebisamiMpe kosala ete matiti ebima?+
28 Mbula ezalaka nde na tata,+To nani abotaki matangá ya mamwɛ?+
29 Mai oyo ekangami libanga ebimaka na libumu ya nani,Mpe nani abotaki nɛjɛ oyo eutaka na likoló+
30 Ntango mai ezipamaka lokola nde na libanga,Mpe etando ya mai mozindo ekangami lokola libanga?+
31 Okoki nde kokanga bansinga ya liboke ya minzoto ya Kima,*To okoki nde kofungola bansinga ya liboke ya minzoto ya Kesile?*+
32 Okoki nde kobimisa liboke ya minzoto* na ntango na yangoTo kokamba liboke ya minzoto ya Ashe* ná bana na yango?
33 Oyebi mibeko oyo etambwisaka likoló,+To okoki nde kotya na makasi bokonzi na yango* na mabele?
34 Okoki kotombola mongongo na yo ekóma tii na mapataMpo mpela ezipa yo?+
35 Okoki kotinda mikalikali?
Ekoya koyebisa yo ete: ‘Biso oyo!’
36 Nani atyaki bwanya na mapata*+To nani apesá mayele na makambo ya kokamwa ya likoló?*+
37 Nani azali na bwanya oyo esengeli mpo na kotánga mapata,To nani akoki kosopa bilokó ya mai ya likoló+
38 Ntango putulu esopanaka lokola pɔtɔpɔtɔMpe mabele oyo ekangamakangamá esanganaka liboke moko?
39 Okoki nde kolukela nkɔsi nyama ya kolyaTo kosilisa nzala ya bana-nkɔsi+
40 Ntango egunzamaka na bisika na yango ya kobombanaTo emilalisaka na bisika na yango ya kobombana?
41 Nani abongiselaka yanganga bilei+Ntango bana na yango ebelelaka Nzambe mpo na kosɛnga lisalisiMpe eyengayengaka mpo eloko ya kolya ezali te?
Maloba na nse
^ To, “litumu.”
^ Ezali maloba ya elilingi na Ebre mpo na kolobela baanzelu oyo bazali bana ya Nzambe.
^ To, “nalíngaki.”
^ Lil., “Na mikolo na yo osilá.”
^ To, “mabele ya lima.”
^ To, “elili ya liwa.”
^ Lil., “mikolo.”
^ To mbala mosusu, “mokalikali.”
^ Mbala mosusu liboke ya minzoto ya Orion.
^ Mbala mosusu ezali liboke ya minzoto oyo ezali komonana lokola ngɔmbɛ-mobali.
^ Lil., “Mazarote.” Na 2 Bakonzi 23:5, liloba oyo ekokani na yango na boike ezali komonisa maboke ya minzoto ya zodiake.
^ Mbala mosusu ezali liboke ya minzoto oyo ezali komonana lokola Urse ya monene.
^ To mbala mosusu, “oyo ya Nzambe.”
^ To mbala mosusu, “na kati ya moto.”
^ To mbala mosusu, “makanisi.”
