Mpo na bato mingi, makambo oyo ekosalema na mokili na 2024, solisyo na yango ezali te. Nzokande, tokoki kozwa elikya mpo na mikolo ezali koya. Epai wapi?

 Biblia elaki ete Nzambe akolongola makambo nyonso oyo esalaka ete tózanga elikya na bomoi. Mosika te, Nzambe “akopangwisa mai ya miso nyonso na miso na bango, mpe liwa ekozala lisusu te, matánga te, koganga te, mpasi mpe ekozala lisusu te.”​—Emoniseli 21:4.

•   Mpo na koyeba makambo mosusu oyo etali bilaka ya Biblia mpo na mikolo ezali koya, tángá lisolo “Elikya ya solosolo mpo na mikolo ezali koya.”

 Elikya oyo Biblia epesi mpo na mikolo ezali koya ekoki kosalisa yo mpo obundisa makanisi ya kolɛmba nzoto mpe okóma na makanisi ya malamu. (Baroma 15:13) Batoli ya Biblia ekoki mpe kosalisa yo ntango ozali kokutana na mikakatano lokola bobola, kozanga bosembo, mpe maladi.

•   Luká koyeba ndenge oyo elikya ya Biblia esalisaki mobali moko akóma na kimya mpe na esengo atako akolaki na bomoi moko ya bobola. Talá video Juan Pablo Zermeño: Yehova apesaki ngai bomoi oyo ezali na ntina..

•   Luká koyeba ndenge oyo Biblia ekoki kosalisa yo ntango ozali komipesa foti, ozali na mawa, ozali komitungisa, mpe ntango moto ozalaki kolinga mingi akufi. Tángá lisolo “BibIia ekoki kobɔndisa ngai?”

•   Talá ndenge Biblia esalisi mwasi moko oyo na kala azalaki soda mpe amibengaki “moto ya nko mpe oyo azangá mawa” akóma na elikya. Talá video Nabwakaki mandoki.

 Salá ete 2024 ezala mobu moko ya malamu mpo na yo ná libota na yo. Luká koyeba ndenge oyo Biblia ekoki kosalisa yo. Meká boyekoli na biso ya Biblia. Luká koyeba ndenge oyo Nzambe akoki kopesa yo “makanisi ya kimya” sikoyo mpe “bomoi ya malamu na mikolo ezali koya mpe elikya.”​—Yirimia 29:11.