Kana muswanela kuzibisa cimo lizazi lemubata kupota pili musika pota kale? Eni. Kuli kusike kwaba ni batu babañata hahulu ni kuli batu baikole kupota, lukupa kuli baenyi kaufela bazibise cimo lizazi lebabata kupota, kusina taba kuli sikwata sebazamaya ni sona sikuma kai. Mufitise kupo yamina inze kusasiyezi sunda iliñwi kamba kufitelela. Haiba mulela kupota fa mazazi a pumulo, lumikupa kuzibisa lizazi lemubata kupota inze kusasiyezi lisunda zeñata.

Haiba hamusika zibisa mutai lizazi lemubata kupota, kana musakona kupota? Haiba hamusika zibisa mutai lizazi lemubata kupota, hakuna kukonahala kuli mupotiswe. Bakeñisa kuli sibaka saluna hasikoni kukwana batu babañata ka nako yeswana, ki basikai feela babakona kupotiswa ka zazi.

Muswanela kufita nako mañi kuli mupotiswe? Kuli kusike kwaba ni batu babañata hahulu, mukupiwa kufita inze kusasiyezi hora iliñwi pili nako yamina ya kupota isika kwana kale.

Mukona kuzibisa cwañi lizazi lemubata kupota? Musine fokubonisizwe kuli “Muzibise Cimo Lizazi la Kupota.”

Hase muketile lizazi lemubata kuyo pota, kana mwakona kucinca kamba kuzibisa mutai kuli hamusa kona kuyo pota? Eni. Musine fokuñozwi kuli “Mubone kamba Mucince Lizazi la Kupota.”

Kucwañi haiba mutai haupotisi batu fa lizazi lemuketile? Muzwelepili kutatubanga fa webusaiti. Mwakona kufumana lizazi leliñwi la kupota kakuli batu fokuñwi bacincanga mazazi a kupota kamba mane bazibisanga mutai kuli habasa kona kupota.

1 Robert Broom Drive East

Rangeview

KRUGERSDORP

1739

SOUTH AFRICA

+27 11-761-1002

E-mail: InboxBTHLTours.ZA@jw.org

Sibaka sa Bapoti Habapotela Liluko la Lihae la Betele: Bapoti bakalanga kupotiswa mwa Liluko Lelitalima za Lihae la Betele ka kubuha vidio ya makalelo. Hamunze mupotiswa mwa libaka zeshutana-shutana, mukabuhiswa mavidio abonisa misebezi yesweli kueziwa fa Betele ni mo misebezi yeo izwisezapili bulapeli bwaluna. Banana bakatabela kuunga maswaniso inze bayemi ni Kalebu ni Sofia habaka potiswa mwa sibaka sesibizwa Mube Mulikanaa Jehova.

Sibaka sa Bapoti Habapotela Liluko Lelitalima za Kuhatisa 2: Mavidio amalaalu amuka buhiswa, abonisa libaka musebezi wa kutoloka ni kuhatisa lihatiso mwa lipuo zeshutana-shutana zebulelwa mwa naha hauli wa butokwa. Mukaisiwa fa sibaka fomukona kunangela kuli mubone mishini yaluna yehatisa lihatiso. Mukaikola hahulu kupotela sibaka mokubeilwe Libibele; mukaituta kuli libizo la Mulimu neliitusisizwe kwamulaho mwa Libibele zeñwi za mwa lipuo zebulelwa mwa naha.

Sibaka sa Bapoti Habapotela Liluko Lelitalima za Kuhatisa 3: Hamuli mwa sibaka se, mwakona kubona sibaka kaufela mokuhatisezwa lihatiso, ni sibaka sesinani litaba za koliiswa lihatiso zesweli kukubukanywa hamoho. Mavidio amalaalu amuka buhiswa, abonisa za musebezi wa kuyaha Mandu A Mubuso, kulumela lihatiso kwa libaka zeñwi, ni wa kulukisa lihatiso za kuteeleza fa tupangaliko ni mavidio.

Mapumulelo A Bapoti: Mwa sibaka se, mwakona kuikola kuca sico samina sa musihali. Limota lito yemisezwanga mwa sibaka se, mi sibaka se hape siitusiswanga sina mayemisezo a limota kaufela fa mazazi a pumulo.

Nzila: Limbasi za mutai liisanga bapoti kuzwa kwa sibaka sesiñwi sa bapoti kuya ku sesiñwi.

Bahatisanga ni kumaneka libuka, limagazini, libroshuwa, ni matrakiti mwa lipuo zefitelela 150 ni kulilumela kwa liputeho zeñata-ñata mwa linaha ze 20. Batoloka Bibele ni lihatiso zetomile fa Bibele ni mavidio mwa lipuo zeshutana-shutana zefitelela 20. Liluko Lelitalima za Musebezi wa Kuyaha litusa linaha ze 42 mwa musebezi wa kuyaha Mandu A Mubuso mwa Africa.

Muikungele Pampili Yetalusa za Ofisi ya Mutai