Liproverbia 31:1-31
31 Ki a manzwi a Mulena Lemuele, ili litaba za butokwa zanaa mubulelezi mahe kuli amulute+
2 Ki sika mañi senika kubulelela, wena mwanaka,Nika kubulelelañi, wena mwana yazwile mwa mba yaka,Mi ki sika mañi senika kubulelela, wena mwana wa buitamo bwaka?+
3 Usike wasinyeza maata ahao kwa basali,+Kamba kulatelela linzila zesinya malena.+
4 Wena Lemuele, malena habaswaneli kueza cwalo,Malena habaswaneli kunwa waineKamba kuli babusi babulele kuli: “Bucwala bwaka bukai?”+
5 Ilikuli basike banwa ni kulibala mulao,Ni kutibela liswanelo za babotana.
6 Ufe bucwala ku babashwa+Ni waine ku babaziyelehile hahulu.+
7 Banwe kuli balibale bubotana bwabona;Basike bahupula butata bwabona hape.
8 Bulela mwa sibaka sa batu babasa koni kuipulelela;Uyemele liswanelo za batu kaufela babashwa.+
9 Ubulele mi uatule ka kuluka;Uyemele liswanelo za* babanyandile ni za babotana.+
א [Aleph]
10 Ki mañi yakafumana musali wa miswalo?*+
Ki wa butokwa hahulu kufita likorale.*
ב [Beth]
11 Muunaa hae umusepile ka pilu yahae,Mi hakuna nto ya butokwa yatokwile.
ג [Gimel]
12 Musali yo umuezeza lika zende, isiñi zemaswe,Mwa mazazi a bupilo bwahae kaufela.
ד [Daleth]
13 Uipatela boya bwa folofolo ni lisila la line;Utabela kusebeza ka mazoho ahae.+
ה [He]
14 Uswana sina lisepe za mulekisi,+Utisa lico zahae kuzwa kwa sibaka sa kwahule.
ו [Waw]
15 Hape uzuhanga isali busihu,Kuli afe ba ndu yahae licoNi batanga bahae babasali likabelo.+
ז [Zayin]
16 Unahana za kuleka simu mi waileka;Ucala simu ya veine ka zafumana fa misebezi ya mazoho ahae.*
ח [Heth]
17 Uitukiseza kusebeza ka taata,*+Mi utiisa mazoho ahae.
ט [Teth]
18 Ubonanga teñi kuli pisinisi yahae yamufumanisa;Busihu lambi yahae haitimi.
י [Yod]
19 Mazoho ahae aswala kakota fokutatelwa bwanda,Mi mazoho ahae aswala sela.+
כ [Kaph]
20 Ufumbutululela yashebile sata sa lizoho lahae,Mi uotololela babotana mazoho ahae.+
ל [Lamed]
21 Haikalelwi za ba ndu yahae kabakala litwa,Kakuli ba ndu yahae kaufela baapala liapalo zefutumala.*
מ [Mem]
22 Uikezeza masila a fa mimbeta.
Liapalo zahae ki za lisila la line ni za boya bwa mubala wa pulipela.
נ [Nun]
23 Muunaa hae uzibahala hahulu mwa minyako ya muleneñi,+Kwainanga mwahalaa baana-bahulu ba naha.
ס [Samekh]
24 Ulukanga ni kulekisa liapalo* za lineMi ulekisanga makanda kwa balekisi.
ע [Ayin]
25 Uapezi maata ni bunde,Mi utalima kwapili ka sepo.*
פ [Pe]
26 Mulomo wahae hauatama, kuzwa manzwi a butali;+Mulao wa sishemo* u fa lulimi lwahae.
צ [Tsade]
27 Ubona misebezi yebaeza ba ndu yahae,Mi haaci sinkwa sa buzwa.+
ק [Qoph]
28 Bana bahae bayema ni kushaela kuli ki yatabile;Muunaa hae wayema mi wamulumba.
ר [Resh]
29 Kunani basali babañata ba miswalo,*Kono wena—wabafita kaufelaa bona.
ש [Shin]
30 Kubuheha kwakona kupuma, mi bunde ki bwa nakonyana feela,*+Kono musali yasaba Jehova ukalumbiwa.+
ת [Taw]
31 Mumufe mupuzo kabakala zaeza,*+Mi alumbiwe ki misebezi yahae mwa minyako ya muleneñi.+
Litaluso ze kwatasi
^ Kamba “Uzekele.”
^ Kamba “yomunde hahulu.”
^ Mubone Litaluso za Manzwi.
^ Kamba “ka lituwelo zahae.” Linzwi ka linzwi, “kuzwa fa siselo sa mazoho ahae.”
^ Linzwi ka linzwi, “Uitama mwa teka ka maata.”
^ Linzwi ka linzwi, “za mukita.”
^ Kamba “liapalo za mwahali.”
^ Kamba “useha lizazi leli kwapili.”
^ Kamba “Taelo yelilato; Mulao wa lilato lelisa feli.”
^ Kamba “babande hahulu.”
^ Kamba “mbango.”
^ Linzwi ka linzwi, “Mumufe zezwa kwa muselo wa mazoho ahae.”
