Lisamu 37:1-40
Samu ya Davida.
א [Aleph]
37 Usike wafilikana kabakala batu babamasweKamba kushwela muna babaeza zemaswe.+
2 Bakaletuka kapili-pili sina bucwañi+Mi bakanyana sina bucwañi bobunca bobutala.
ב [Beth]
3 Usepe Jehova mi ueze zende;+Uine mwa lifasi,* mi ueze ka busepahali.+
4 Utabe hahulu* kabakala Jehova,Mi uka kufa zeilakaza pilu yahao.
ג [Gimel]
5 Ufe Jehova nzila yahao;+Uitinge ku yena, mi uka kutusa.+
6 Ukabenyisa kuluka kwahao sina mokubenyezanga halipazula,Ni katulo yahao yelukile sina molibenyezanga lizazi fahalaa musihali.
ד [Daleth]
7 Uikuzeze fapilaa Jehova+Mi umulibelele ka pilu-telele.
Usike wafilikana kabakala mutuYakondisa milelo yahae yemaswe.+
ה [He]
8 Lisela buhali mi utuhele mabifi;+Usike wafilikana ni kukala kueza zemaswe.*
9 Kakuli babaeza zemaswe bakayundiswa,+Kono babasepile Jehova bakaluwa lifasi.+
ו [Waw]
10 Kusiyezi feela nakonyana, mi babamaswe habasana kubateñi;+Ukatalima fone bainzi,Kono habana kufumaneha fateñi.+
11 Kono babaishuwa bakaluwa lifasi,+Mi bakataba hahulu kabakala kozo yetuna.+
ז [Zayin]
12 Mutu yamaswe ulela kueza maswe yalukile;+Umukweceza meeno.
13 Kono Jehova uka museha,Kakuli waziba kuli lizazi la mutu yo likataha.+
ח [Heth]
14 Babamaswe bacomola mikwale yabona ni kuhoha buta bwabonaKuli bawise babanyandile ni babotana,Kuli babulaye babanani niti.
15 Kono mikwale yabona ikataba bona beñi kwa lipilu;+Buta bwabona bukalobeha.
ט [Teth]
16 Zenyinyani zaluwile mutu yalukileLifita zeñata zebaluwile batu babamaswe babañata.+
17 Kakuli mazoho a babamaswe akalobeha,Kono Jehova ukatiisa babalukile.
י [Yod]
18 Jehova waziba zebakopana ni zona babasa nyazahali,*Mi saanda sabona sika ina kuya kuile.+
19 Habana kuswaba ka nako ya kozi;Bakaba ni lico zeñata ka nako ya lukupwe.
כ [Kaph]
20 Kono babamaswe bakashwa;+Lila za Jehova likafela sina mafulisezo amande;Likafela sina musi.
ל [Lamed]
21 Yamaswe wakolota kono hakutisi,Kono yalukile unani sishemo* mi wafana.+
22 Babafuyozwi ki Yena bakaluwa lifasi,Kono babakutilwe ki Yena bakayundiswa.+
מ [Mem]
23 Jehova uetelela* mihato ya mutu,+Haatabela nzila ya mutu yo.+
24 Nihaka wa, haana kuwa muwelela fafasi,+Kakuli Jehova umuswalelezi kwa lizoho.*+
נ [Nun]
25 Nikile naba mwanana kono cwale nihulile,Kono hanisika bona kale mutu yalukile hayubekwa,+Kamba kubona bana bahae habaikupela sico.*+
26 Kamita ukolotisa babañwi asabati kekelezo,+Mi bana bahae bakafiwa mbuyoti.
ס [Samekh]
27 Utuhele kueza zemaswe mi ueze zende,+Mi ukapila kuya kuile.
28 Kakuli Jehova ulata katulo yelukile,+Mi haana kuyubeka babasepahala bahae.
ע [Ayin]
Bakasilelezwa kamita;+Kono bana ba babamaswe bakayundiswa.+
29 Babalukile bakaluwa lifasi,+Mi bakapila ku lona kuya kuile.+
פ [Pe]
30 Mulomo wa mutu yalukile ubulela manzwi a butali,Mi lulimi lwahae lubulela za katulo yelukile.+
31 Mulao wa Mulimu wahae u mwa pilu yahae;+Mahutu ahae haana kusitatala.+
צ [Tsade]
32 Yamaswe ulisa ka meeto mutu yalukile,Kuli amubulaye.
33 Kono Jehova haana kumufa mwa lizoho la mutu yamaswe yo+Kamba kumufumana ni mulatu haaka atulwa.+
ק [Qoph]
34 Usepe Jehova mi ulatelele nzila yahae,Mi uka kupahamisa kuli uluwe lifasi.
Babamaswe habaka yundiswa,+ ukaiponela.+
ר [Resh]
35 Niboni mutu yanani lunya, yamasweHaahula sina kota ya matali amañata yecezwi mwa mubu wayona.+
36 Kono atimela ka sipundumukela mi abasiyo;+Namubata-bata kono napalelwa kumufumana.+
ש [Shin]
37 Ulemuhe mutu yasanyazahali,*Mi utalime mutu yanani niti,+Kakuli mutu yo ukaba mwa kozo kwapili.+
38 Kono babatula mulao kaufela bakayundiswa;Babamaswe bakatimezwa.+
ת [Taw]
39 Kupiliswa kwa babalukile kuzwa ku Jehova;+Ki yena musilelezi wabona mwa nako ya ziyezi.+
40 Jehova uka batusa ni kubalamulela.+
Uka balamulela ku babamaswe mi uka bapilisa,Kakuli basabela ku yena.+
Litaluso ze kwatasi
^ Kamba “naha.”
^ Kamba “Ufumane tabo yetuna hahulu.”
^ Kamba mwendi, “Usike wafilikana, kakuli kueza cwalo kuisa feela kwa bumaswe.”
^ Linzwi ka linzwi, “mazazi a babasa nyazahali.”
^ Kamba “washemuba.”
^ Kamba “utiisa.”
^ Kamba “ka lizoho Lahae.”
^ Kamba “sinkwa.”
^ Kamba “yazwelapili kusepahala.”
