TUTO 02
Bibele Ilufa Sepo
Batu babañata mwa lifasi bakopana ni miinelo yetaata yebatahiseza maswabi, lipilaelo, mane ni kuutwa butuku. Kana ni mina mukile mwakopana ni muinelo omuñwi one umitahiselize kuikutwa cwalo? Mwendi mwakula kamba mutu yomuñwi yomulata utimezi. Mukana mwaipuza kuli, ‘Kana lika likaba hande kwapili?’ Bibele ialaba puzo yeo ka nzila yelufa sepo.
1. Bibele ilufa cwañi sepo?
Bibele ibonisa libaka batu mwa lifasi habakopana ni miinelo yetaata, mi hape ibulela taba yende ya kuli miinelo yetaata yebakopana ni yona batu ituha ifela honafa. Lisepiso za mwa Bibele zakona kumifa “bupilo bobunde kwapili, ni sepo.” (Mubale Jeremia 29:11, 12.) Lisepiso zeo zakona kulutusa kuitiisa halunze lukopana ni miinelo yetaata, kuba ni mubonelo omunde mwa bupilo, ni kulukolwisa kuli lukaba ni tabo kuya kuile.
2. Ki lika mañi zeisepisa Bibele kuli likaezahala kwapili?
Bibele isepisa kuli kwapili “lifu halisana kuba teñi, nihaiba kutahelwa ki maswabi kamba kulila kamba kuutwa butuku.” (Mubale Sinulo 21:4.) Miinelo yetaata yenyandisa hahulu batu kacenu, yecwale ka bubotana, katulo yesika luka, matuku, ni mafu, ikafeliswa. Bibele isepisa kuli batu bakaikola bupilo kuya kuile mwa Paradaisi fa lifasi.
3. Ki nto mañi yekona kumikolwisa kuli lisepiso za mwa Bibele likatalelezwa luli?
Batu babañata banani milelo yebabata kupeta kwapili, kono habana buikolwiso luli bwa kuli bakapeta milelo yeo. Nto yeo yashutana ni zeisepisa Bibele. Lwakona kusepa zeibulela ka ‘kutatuba Mañolo ka tokomelo.’ (Likezo 17:11) Hamunze muituta Bibele, mukaikatulela ka za haiba mwaswanela kulumela zeibulela ka za kwapili kamba kutokwa.
MUBATISISE
Munyakisise lika zeñwi zeisepisa Bibele kuli likaezahala kwapili. Mubone mo lisepiso za mwa Bibele lituseza batu kacenu.
4. Bibele isepisa kuli kwapili batu bakapila kuya kuile inze bapetahalile
Munyakisise mukoloko olatelela obonisa lisepiso zefumaneha mwa Bibele. Ki ifi sepiso yemutabela hahulu kwa lisepiso ze? Mi ki kabakalañi?
Mubale mañolo abonisizwe hamulaho wa sepiso ni sepiso, mi munyakisise lipuzo zelatelela:
-
Kana mañolo a, amitusa kuba ni sepo? Kana akona kutusa baba mwa lubasi lwamina ni balikani bamina kuba ni sepo?
Munahane feela kupila mwa lifasi
|
MOKUSIKE KWABA . . . |
MAÑI NI MAÑI . . . |
|---|---|
|
|
|
|
|
|
|
|
|
|
5. Lisepiso za mwa Bibele zakona kumitusa
Batu babañata bazwafile kamba mane baikutwa kufilikana bakeñisa miinelo yetaata ye mwa lifasi. Babañwi mane balwananga ka mulelo wa kuli lika libe hande. Mubone mo sepiso ya mwa Bibele ya kuli lika likaba hande kwapili ituseza batu kacenu. Mubuhe VIDIO, mi kihona mukanyakisisa lipuzo zelatelela.
-
Mwa vidio, ki nto mañi yenesika luka yene basatabeli bo Rafika?
-
Nihaike kuli nto yesika luka yene balemuhile neizwezipili, Bibele nei batusize cwañi?
Sepo yelufumana mwa Bibele ka za bupilo bwa kwapili yakona kulutusa kuitiisa haluzwafa ni kulutusa kutiyela miinelo yetaata. Mubale Liproverbia 17:22 ni Maroma 12:12, mi kihona mukanyakisisa lipuzo zelatelela:
-
Kana mwalumela kuli litaba zesepisizwe mwa Bibele zakona kumitusa mwa bupilo kacenu? Haiba ki cwalo, ki kabakalañi hamulumela cwalo?
BABAÑWI BABULELANGA KULI: “Halusepi kuli lisepiso zebulezwi mwa Bibele likatalelezwa nako yeñwi.”
-
Ki kabakalañi halutokwa kunyakisisa litaba zebonisa kuli lisepiso zeo likatalelezwa?
LITABA KA BUKUSWANI
Bibele ilufa sepo mi ilutusa kuitiisa halukopana ni miinelo yetaata ka kulusepisa kuli kwapili lukapila bupilo bobunde inze lutabile.
Mulundulule
-
Ki kabakalañi batu habatokwa kuba ni sepo?
-
Ki lika mañi zeibulela Bibele kuli likaezahala kwapili?
-
Kuba ni sepo ya zekaezahala kwapili kukona kumitusa cwañi ka nako ya cwale?
MUBONE LITABA ZEÑWI
Muitute zeñata ka za moikona kumituseza sepo.
“Ki Lika Mañi Zekona Kumitusa Kuba ni Sepo?” (Muzuhe!, April 22, 2004)
Munyakisise mo sepo ya lika zende za kwapili ikona kutuseza batu babakula matuku asa foli.
“Kana Bibele Yakona Kumitusa Kuitiisa Hamukula Butuku Bobusa Foli?” (Taba ya fa webusaiti)
Hamunze mubuha vidio ye, mueze inge baba ipona ni lubasi lwamina inze muikola bupilo mwa Paradaisi ya kwapili yesepisizwe mwa Bibele.
Mubale zeneezahezi ku mutu yanaabata kucinca lika mwa naha hanaaitutile zeisepisa Bibele kwapili.
“Hanisa Ikutwa Kuli Naswanela Kucinca Lifasi” (Tawala ya Mulibeleli, July 1, 2013)
Hape Mwendi Mwakona Kutabela Litaba Ze
LIPUZO ZEBUZIWANGA HAÑATA
Tuto ya Bibele Yebazamaisanga Lipaki za Jehova ki Nto Mañi?
Hamunze muituta Bibele ni Lipaki za Jehova, mwakona kuitusisa toloko ya Bibele ifi kamba ifi yemutabela. Mulukuluhile kumema lubasi lwamina kaufela kamba mulikani wamina ufi kamba ufi kuli afumanehe kwa tuto yamina.
