Bibele Ibulelañi?
Armagedoni ki Nto Mañi?
Batu babañwi balumela kuli . . .
Armagedoni ki nako yelikasinyiwa lifasi kaufela ka limbomba kamba ka lika zeñwi. Mubona cwañi?
Zeibulela Bibele
Armagedoni ki sibaka sa swanisezo sa “ndwa ya lizazi lelituna la Mulimu Yamaata Kaufela,” ili ndwa yahae ya kulwanisa babamaswe. —Sinulo 16:14, 16.
Ki lika mañi zeñwi zelukona kuituta mwa Bibele?
Mulimu hakalwana ndwa ya Armagedoni, mulelo wahae haki wa kusinya lifasi, kono ki wa kusileleza lifasi kuli lisike lasinyiwa ki batu.—Sinulo 11:18.
Ndwa ya Armagedoni ikafelisa lindwa kaufela.—Samu 46:8, 9.
Kana kwakonahala kupunyuha ndwa ya Armagedoni?
Nemuka alaba cwañi?
Eni
Batili
Mwendi
Zeibulela Bibele
“Buñata bobutuna bwa batu” babazwa mwa macaba kaufela bakapunyuha “ñalelwa yetuna,” yekafela ka ndwa ya Armagedoni. —Sinulo 7:9, 14.
Ki lika mañi zeñwi zelukona kuituta mwa Bibele?
Mulimu ubata kuli batu babañata bapunyuhe Armagedoni. Ukayundisa batu babamaswe babasalati kucinca. —Ezekiele 18:32.
Bibele ilutaluseza molukona kupunyuhela Armagedoni.—Zefania 2:3.
Hape Mwendi Mwakona Kutabela Litaba Ze
LIKALABO KWA LIPUZO ZA BIBELE
Ndwa ya Armagedoni ki Nto Mañi?
Linzwi la “Armagedoni” lifumaneha feela hañwi mwa Bibele, kono ndwa yeo ibulezwi mwa Bibele hañata-ñata.
