Bo Dr. Vivek Murthy, babatalima za likalafo zeama kupazulwa ba kwa United States batalusa kuli: “Butuku bwa mwa munahano bobukataza babanca buatile hahulu mi lufumani kuli yeñwi ya lika zesweli kutahisa hahulu butuku bo, ki mawebusaiti a kulumelana ka ona litaba.”—Ka kuya ka piho yene ihatisizwe mwa mutende obizwa The New York Times, La June 17, 2024.

 Bashemi bakona kusileleza cwañi bana babona kwa butata bobukona kubateñi kabakala kuitusisa mawebusaiti a kulumelana ka ona litaba? Bibele ifa likelezo zende zekona kubatusa.

 Munyakisise likuka za mwa Bibele zelatelela.

 “Yabutali unahanisisa mihato yahae kaufela.”—Liproverbia 14:15.

 Hamuswaneli kulumeleza bana bamina kuitusisa mawebusaiti a kulumelana ka ona litaba, bakeñisa kuli akona kubatahiseza butata. Pili musika lumeleza kale mwanaa mina kuitusisa mawebusaiti a kulumelana ka ona litaba, muswanela kubona teñi kuli mwanaa mina wakona kumamela milao yamina ya za nako yaswanela kutanda fa mawebusaiti ao, kuzwelapili kuba ni balikani babande ni kusabuha lika kamba kubala litaba zesaswaneli.

•   Kuli muzibe zeñata, mubale taba yeli, “Should My Child Use Social Media?” ni yeli, “Teaching Your Teenager Social Media Safety.”

 “[Muitusise] hande nako yamina.”—Maefese 5:16.

 Haiba mulumeleza mwanaa mina kuitusisa mawebusaiti a kulumelana ka ona litaba, mumutomele nako yakaitusisanga ona, mi mumutaluseze libaka kulatelela milao yeo hakukona kumusileleza. Mulemuhe moicinceza mikwa ya mwanaa mina, ili nto yeka mitusa kuhanisa mwanaa mina kuitusisa hahulu mawebusaiti a kulumelana ka ona litaba.

•   Muitusise vidio ya tudoli totuswanisiwa yeli, Muitusise Hande Mawebusaiti A Kulumelana ka Ona Litaba kutusa mwanaa mina kulemuha butokwa bwa kuitusisa hande mawebusaiti a kulumelana ka ona litaba.

 Bibele ibulela kuli lupila mwa “linako zetaata, zeziyeza.” (2 Timotea 3:1-5) Ka nako yeswana, ilufa likezo zende zekona kulutusa halukopana ni miinelo yetaata. Mukoloko wa litaba zetomile fa Bibele zefitelela 20 zekona kutusa bashemi ni bana babona wafumaneha mwa taba yafa webusaiti yebulela za butuku bwa mwa munahano bobukataza babanca.