Ñimbo ya Mitōto 101:1-8
Lwimbo lwa Davida.
101 Nkembilanga buswe bwa ndamatyidile ne boloke.
Nkakwimbilanga mitendelo,* abe Yehova.
2 Nkaloñanga na budyumuku kadi kwampikwa kutopekwa.*
Lelo ukāya kondi kitatyi’ka?
Nkanañanga na bululame bwa mutyima+ mu njibo yami.
3 Nkikatūlapo kintu kya bituputupu ku meso ami.
Nshikilwe bilongwa bya boba basāsuka byobya byoloke;+Nkikalongapo nabo kintu nansha kimo.*
4 Mutyima mukondame udi kulampe nami;Nkiketabijapo* kyokya kibi.
5 Ense uvubakenya mukwabo myanda kufula,+Nkamutalaja nyā.*
Ense wa meso a kwizunzula ne mutyima wa kibengo,Nkikamutalepo bitupu.
6 Nkatalanga kudi bakōkele ba pa ntanda,Amba bekale nami.
Yewa unanga kwampikwa kutopekwa* ukañingidilanga.
7 I kutupu muntu wa bongojani ukekala mu yami njibo,Kadi i kutupu mbepai nansha umo ukemana ku meso ami.
8 Lubanga ne lubanga nkatalajanga nyā* babi bonso ba pa ntanda,Kutyiba’ko banonga-bibi bonso mu kibundi kya Yehova.+
Kunshi kwa Dyani
^ Nansha’mba “Nkakombelanga minjiki.”
^ Nansha’mba “na bululame.”
^ Nansha’mba “Bilongwa byabo kebindametepo.”
^ Kishima pa kishima i, “Nkikayukapo.”
^ Nansha’mba “Nkamufundula’ko.”
^ Nansha’mba “mu bululame.”
^ Nansha’mba “nkafundula’ko.”
