Ñimbo ya Mitōto 139:1-24
Kudi mukulu wa bañomba. Lwimbo lwa Davida.
139 A Yehova, ubamandaula, kadi ubandyuka.+
2 Uyukile kitatyi kyonshikata ne kitatyi kyoñimana.+
Ujingulwilanga milangwe yami kulampe.+
3 Umwene* kitatyi kyoñenda lwendo ne kitatyi kyondāla;Uyukile biyampe mashinda ami onso.+
4 Pa ludimi lwami i patupu kinenwa,Ino tala! A Yehova, uyukile’kyo kala biyampe.+
5 Unjokolokele kunyuma ne kumeso;Kadi ubantenteka kuboko kobe.
6 Buno i buyuki bonkibwanyapo kwivwanija.*
Budi peulu bininge ponkibwanyapo kupetelwa.*+
7 Le i kwepi kombwanya kufyama mushipiditu obe,Ne i kwepi kombwanya kunyema mpala yobe?+
8 Shi nkande mūlu, udi’mo,Kadi shi ngale butanda bwami mu Kibundu,* tala! abe udi monka.+
9 Shi ntumbuke na mapapa a lubanga futwiKukekala ku dijiba dya kulampe,
10 Ne kwako kwine kuboko kobe kukañendejaKadi kuboko kobe kwa lundyo kukankwata.+
11 Shi nene amba: “Bine fukutu ikamfya!”
Nabya bufuku bunjokolokele bukekala ke kitōkeji.
12 Nansha ke fukutu mine keikafītapo bininge kodi,Ino bufuku bukakela pamo’nka bwa dyuba;+Fukutu idi pamo bwa kitōkeji kodi.+
13 Mwanda abe walongele mfyo yami;Wadi unkinga* munda mwa mama.+
14 Nakutendela mwanda ne mulongwe bya kutendelwa mu muswelo ulenga nzuba.+
Mingilo yobe i ya kutendelwa,+Ndyukile kino* biyampe.
15 Mikupa yami keyakufīlwepoKitatyi kyonalongelwe kufula,Kitatyi kyonapungilwe munshi mwa panshi.+
16 Meso obe aumwene enka ne ponadi kabale;Bipindi byako byonso byalembelwe mu mukanda obeMwanda wa mafuku obyalongelwe,Kumeso kwa kipindi kyabyo nansha kimo kwikala’ko.
17 Bine, milangwe yobe i ya bulēme kondi!+
A Leza, bungi bwayo i bukatampe’po kashā!+
18 Shi ntompe kubala’yo, i mingi kutabuka musenga.+
Kitatyi kyombūka, ngidi’nka nobe.*+
19 A Leza, shi watapile’tu babi!+
Longa bantu ba lūma* ke bansonsoloke,
20 Boba bakunenena bibi na milangwe mibi;*I balwana nobe bengidija dijina dyobe mu muswelo wampikwa kwendela’mo.+
21 A Yehova, le nkishikilwepo boba bakushikilwe,+Ne kukwatwa mukenye boba bakutombokela?+
22 Nebashikilwe bibi;+Abaikala ke balwana nami ba bine.
23 Mandaule, a Leza, yuka mutyima wami.+
Mandaule, yuka milangwe yami inkambakanya.*+
24 Tala shi munda mwami mudi dishinda dibi,+Ñendeje+ mu dishinda dya nyeke.
Kunshi kwa Dyani
^ Kishima pa kishima i, “Upimanga.”
^ Nansha’mba “buntulumuja’po kashā.
^ Nansha’mba “bumpite bungi kuyukidija.”
^ Nansha’mba “Sheole,” ko kunena’mba, kibundu kya bantu bonso. Tala Nshintulwilo ya Bishima.
^ Bibwanika padi i, “unsuka pamo.”
^ Nansha’mba “Muya wami uyukile.”
^ Bibwanika padi i, “Nkekala neibala’nka kwiibala.”
^ Nansha’mba “ba mambo a mashi.”
^ Nansha’mba “mwendele mulangwe wabo.”
^ Nansha’mba “mivutakane.”
