Ñimbo ya Mitōto 146:1-10
146 Tendelai Yah!*+
Ami ense* ntendele Yehova.+
2 Nkatendelanga Yehova mu būmi bwami bonso.
Nkembilanga Leza wami mitendelo* kitatyi kyonso kyondi mūmi.
3 Kemwakikulupilai bamfumu*Nansha mwanā muntu kabwanyapo kuleta lupandilo.+
4 Mushipiditu* wandi utambanga, aye wajokela ku biloba;+Enka mu dine difuku’dya milangwe yandi yaoneka.+
5 Wa nsangaji i yewa udi na Leza wa Yakoba bu mukwashi wandi,+Lukulupilo lwandi ludi mudi Yehova Leza wandi,+
6 Mulongi wa diulu ne ntanda,Dijiba, ne byonso bidi’mo,+Mwine wikele wa binebine nyeke,+
7 Mwine utyibilanga mambo boba badimbwa,Mwine upānga ba nzala byakudya.+
Yehova ukutululanga bakutwa.+
8 Yehova upūtulanga meso a bampofu;+Yehova ulangulanga boba bonyame;+Yehova usenswe boba boloke.
9 Yehova ulamanga beni ba kibundi;Ukwashanga mwana wampikwa shandi ne mukaji wa kishala,+Ino ukankajanga mpango ya babi.*+
10 Yehova ukekalanga Mulopwe nyeke,+Leza obe, abe Ziona, mu nkongo ne nkongo.
Tendelai Yah!*
Kunshi kwa Dyani
^ Nansha’mba “Aleluya!” “Yah” i dijina Yehova mu kīpi.
^ Nansha’mba “Muya wami.”
^ Nansha’mba “Nkombanga minjiki.”
^ Nansha’mba “ba bulēme.”
^ Nansha’mba “Umpuya.”
^ Nansha’mba “unyengakanyanga dishinda dya babi.”
^ Nansha’mba “Aleluya!” “Yah” i dijina Yehova mu kīpi.
