Ñimbo ya Mitōto 148:1-14
148 Tendelai Yah!*
Tendelai Yehova banwe badi mūlu;+Mutendelei mūlu.
2 Mutendelei, banwe bamwikeulu bandi bonso.+
Mutendelei, byanwe bibumbo byandi byonso.+
3 Mutendelei, a dyuba ne kweji.
Mutendelei, a ñenyenye yonso yeñenya.+
4 Mutendelei, a madiulu adi peulu kutabuka*Ne mema a peulu pa madiulu.
5 Bitendele dijina dya Yehova,Mwanda aye wāsoñenye, nabyo byapangibwa.+
6 I mwibishimatyije pototo nyeke ne nyekeke;+Walupwile lubila kelukapitepo.+
7 Tendelai Yehova banwe badi pa ntanda,Byanwe bipangwa bikatakata bya lui ne mema onso malamala,
8 A mapeni ne mvula wa mabwe, mashika mekwate ne makumbi afīta fututu,Abe luvula lwa kimpumpu, lufikidija kinenwa kyandi,+
9 A ngulu ne mikuna yonso,+A mityi ipa bipa ne mityi yonso ya sedele,+
10 Banwe banyema ba ntanda+ ne banwe banyema bonso ba nja,A bintu bilandala ne byoni bya mapapa,
11 Banwe balopwe ba ntanda ne myanwe mizo yonso,Banwe bamfumu ne banwe batyibi bonso ba ntanda,+
12 Banwe bansongwalume ne bansongwakaji,*Bana-balume banunu ne bankasampe bene kumo.*
13 Batendele dijina dya Yehova,Mwanda dijina dyandi kete didi peulu kepafikikapo.+
Bukatakata bwandi budi peulu pa ntanda ne diulu.+
14 Ukazunzulanga bukomo* bwa bantu bandi,Mwanda wa mitendelo ya bantu bandi bonso ba lulamato,Ya bana ba Isalela, bantu badi pabwipi nandi.
Tendelai Yah!*
Kunshi kwa Dyani
^ Nansha’mba “Aleluya!” “Yah” i dijina Yehova mu kīpi.
^ Kishima pa kishima i, “madiulu a madiulu.”
^ Kishima pa kishima i, “bajike.”
^ Nansha’mba “Banunu ne bankasampe bene kumo.”
^ Kishima pa kishima i, “lusengo.”
^ Nansha’mba “Aleluya!” “Yah” i dijina Yehova mu kīpi.
