Ñimbo ya Mitōto 41:1-13
Kudi mukulu wa bañomba. Lwimbo lwa Davida.
41 Wa nsangaji i yewa utele mutyima muntu mupēlulwe;+
Yehova ukamukūla mu difuku dya kyamalwa.
2 Yehova ukamulamanga ne kumupandija.
Ukatelwa bu wa nsangaji pa ntanda;+Kukamupānapo nansha dimo ku kiswa-mutyima* kya balwana nandi.+
3 Yehova ukamukwasha pa kitanda kyandi kya misongo;+Mu misongo yandi, abe ukashinta lonso butanda bwandi.
4 Mwanda nanenene amba: “A Yehova, ntōkelwe mutyima.+
Ñundape,*+ mwanda nakupi mambo.”+
5 Ino balwana nami banenenanga bibi amba:
“Le usa kufwa kitatyi’ka ne dijina dyandi dijimankane?”
6 Shi umo mobadi waiya kuntala, mutyima wandi wisambanga bya bubela.
Wakongakanya bintu bisansa bya kunena;Kupwa watamba kazambalaja’byo.
7 Boba bonso banshikilwe besongolanga abo bene na bene;Bankutyila nkuku mibi amba:
8 “Kintu kilenga moyo kibamufikila;Pano pawalāla, kakalangukapo monka.”+
9 Enka ne muntu otudi nandi mu ndoe, mwine onadi nkulupile,+Wadi udyanga mukate wami, wantulwila kapondo.*+
10 Ino abewa, a Yehova, ntōkelwe mutyima unangule,Amba nebalubwile.
11 Pa kino e ponkayukila’mba undoelelwe;
Shi walwana nami wakomenwa kuntūta kyungwe kya bushindañani.+
12 Amiwa’ko, ubankwata pa mwanda wa bululame bwami;+Abe ukandamanga ku meso obe nyeke.+
13 Yehova, Leza wa Isalela, atendelweNyeke ne nyekeke.*+
Amena ne Amena.
Kunshi kwa Dyani
^ Nansha’mba “kusakasaka; muya.” Tala Nshintulwilo ya Bishima.
^ Nansha’mba “Undapa muya wami.”
^ Nansha’mba “wangalamukila.”
^ Nansha’mba “Tamba nyeke kutūla ku nyeke.”
