Isaya 33:1-24
33 Malwa obe abe onakanya, ino abe mwine konakanibwa mpika;+Abe wabañana, ino kwabwa mpika!
Shi ubapu konakanya, nobe bakakonakanya.+
Shi ubapu kwabañana, nobe bakakwaba.
2 A Yehova, witutōkelwe mutyima.+
Tukulupile modi.
Ikala kuboko kwetu*+ lubanga lonso,Bine, lupandilo lwetu mu kitatyi kya tusua.+
3 Pa lunwa lwa lupotopoto, bantu banyemanga.
Shi ubaimana, mizo ipalakananga.+
4 Monka mwibungilanga njie ya kyonakanya, mo mukabungilwa ne kikwatwa kyenu;Bantu bakanyemena’ko pamo bwa milwi ne milwi ya njie.
5 Yehova ukazunzulwa,Mwanda wikele momwa mūlu mulampe.
Ukayuja bululame ne boloke mu Ziona.
6 Aye i mutyima-ntenke wa bitatyi byobe;Bungibungi bwa lupandilo,+ tunangu, buyuki, ne moyo wa kutyina Yehova+—Kino i kyabulēme kyandi.
7 Tala! Batulāla babo badilanga mu kipito;Mikendi ya ndoe idilanga bya bulanda.
8 Mashinda makatampe abasadika;Kekukidipo muntu nansha umo unanga mu tushinda.
Aye* watyibe kipwano;Wapele bibundi;Kalēmekelepo muntu wa kufwa.+
9 Ntanda idilanga* kadi ifumbanga.
Lebanona wafu bumvu;+ wabola.
Shalone waikala pamo bwa mu ntanda mudi zolē,Kadi Bashane ne Kalamela abakukula mani abo.+
10 “Pano nkemana,” i Yehova unena,“Pano nkezunzula;+Pano nketumbija.
11 Mubaimita biyombo byūmu ne kubutula bityakuku.
Mushipiditu wenu ukemuloteja pamo bwa mudilo.+
12 Kadi bantu bakekala pamo bwa swakala mitēme.
Bakasōkwa na mudilo pamo bwa miba mitēte.+
13 Banwe badi kulampe, ivwanai byonsa kulonga!
Kadi banwe badi pabwipi, itabijai bukomokomo bwami!
14 Babipya-mambo ba mu Ziona badi na moyo;+Luzakalo lubakwata batupondo:
‘Le i ani motudi ubwanya kwikala kokwa kudi mudilo uloteja?+
Le i ani motudi ubwanya kwikala na mimbi keibulwe?’
15 Yewa unangila nyeke mu boloke,+Wisamba byoloke swā,+Upela kumwena mu bya budimbidimbi ne mu bya manyengenyenge,Wa makasa apela majika-kanwa pa kyaba kya kutambula’o,+Ujika matwi andi ku binenwa bya kumwanga mashi,Kadi upūta meso andi mwanda wa kutyina kumona bintu bibi
16 —Ukekala patunduke;Mwa kunyemena mwandi mwa mutyima-ntenke* mukekala mu bifuko bikomejibwe bya mabwe,Mikate yandi ikaletwa,Kadi kibīko kya mema andi kekikapupo.”+
17 Meso obe akabandila mulopwe mu buya bwandi bwa dyangi;Akamona ntanda kulampe.
18 Ukavuluka* luzakalo mu mutyima obe amba:
“Le mulembi udi kwepi?
Le yewa wadi upima bulēmi bwa mulambu udi kwepi?+
Le yewa wadi ubala biteba udi kwepi?”
19 Kukamonepo monka bantu ba kibengo,Bantu ba ludimi kelwivwanikwapo senene,*Ba ludimi lwa kikukumina lokubwanyapo kwivwanija.+
20 Tala Ziona, kibundi kya masobo etu!+
Meso obe akamona Yelusalema bu kīkalo kya mutyima-ntenke,Pema kakatalulwapo.+
Bikomo bya pema wandi kebikatukunwapo,Kadi i kutupu monji wandi nansha umo ukatyibwa.
21 Ino kwine’kwa, Yehova, Mwine MukatampeUketwikadila bu ntanda ya minonga, ya mikola mikatampe,Kekukendapo byombo bikatampe byenda kitāndaNansha byombo bikatampe kupityila’ko mpika.
22 Mwanda Yehova i Mutyibi wetu,+Yehova i wetu Mujidiki wa Bijila,+Yehova i Mulopwe wetu;+I Aye uketupandija.+
23 Myonji yobe ikazela;Keikabwanyapo kukwata ku mukabo wa kidindo nansha kubāla kidindo.
Mu kine kitatyi’kya bikwatwa bivulevule bikabanibwa;Enka ne babilema ba maulu bakasela bitūtwa bingi.+
24 Kadi i kutupu mwikadi ukanena’mba: “Nabela.”+
Bantu bakekala mu ntanda’ya bakalekelwa kilubo kyabo.+
Kunshi kwa Dyani
^ Nansha’mba “bukomo bwetu.”
^ Kifunkila pa walwana.
^ Bibwanika padi i, “yumanga.”
^ Nansha’mba “mutenta wa mutyima-ntenke.”
^ Nansha’mba “Ukalangulukila pa.”
^ Kishima pa kishima i, “lwa mushike.”
