Nkindi 28:1-28
28 Babi banyemanga nansha shi kekudipo muntu wibapanga,Ino boloke badi na kikulupiji pamo bwa ntambo.*+
2 Shi mu ntanda mudi kujilula,* bamfumu bakepingakana’mo mwadi yeu ke yeu,+Ino na bukwashi bwa muntu wa kusansanya ne buyuki, mfumu* ukeja’mo bininge.+
3 Mulanda udimba bantu bapēlulwe+Udi pamo bwa mvula utukija byakudya byonso.
4 Boba baleka bijila batendelanga mubi,Ino bebafītyilwanga mutyima kudi boba balama bijila.+
5 Bantu babi kebabwanyapo kwivwanija boloke,Ino boba bakimba Yehova babwanya kwivwanija bintu byonso.+
6 Mulanda unangila mu bululame bwandi i muyampeKutabuka mpeta wa mashinda moneke.+
7 Mwana wa ñeni ulamanga bijila,Ino mulunda na ba mudyopolo ufwijanga shandi bumvu.+
8 Yewa uvudija bupeta bwandi na kamweno+ ne na kwapuja na kamweno katabuke’moUbīkilanga’bo yewa ukwatyilwa mulanda lusa.+
9 Yewa upela kwivwana bijila—Enka ne milombelo yandi i ya munyanji.+
10 Yewa ongwela moloke swā mu dishinda dibi ukaponena mu kīna kyandi aye mwine,+Ino muntu wampikwa kutopekwa ukapyana byobya biyampe.+
11 Mpeta i wa tunangu mu meso a aye mwine,+Ino mulanda wa kusansanya ubwanya kumujingulula.+
12 Shi boloke abashinde, kwikalanga ntumbo mikatampe,Ino shi babi ababikala, bantu bafyamanga.+
13 Yewa upūta kujilula kwandi kebikamwendekelapo,+Ino yewa ense wisapula ne kuleka’byo ukafwilwa lusa.+
14 Wa nsangaji i muntu wilamine nyeke,*Ino yewa ense ūmija mutyima wandi ukaponena mu kyamalwa.+
15 Pamo bwa ntambo ubuluma ne uluse utambañana lubiloMo mwikadile ne mulopwe mubi pa bafudile.+
16 Mutangidiji wampikwa kusansanya wingidijanga lupusa lwandi bibi,+Ino yewa ushikilwe kumwena mu bya budimbidimbi ukalepeja būmi bwandi.+
17 Muntu mutwikwe mambo a mashi mwanda wayete būmi bwa muntu,* ukanyema’nka kunyema kufika ne ku kibundu.*+
Muntu nansha umo kakimukwasha.
18 Yewa unanga pampikwa kilubo ukapandijibwa,+Ino yewa wa mashinda makondame ukapona mu kitulumukila.+
19 Yewa udima nshi yandi ukekala na byakudya bivule,Ino yewa ulondalonda bintu bya bitupu ukekala na bulanda buyule bā.+
20 Muntu mukōkele ukamona madyese mangi,+Ino yewa upēlakana kukimba bupeta kakekalapo wampikwa mambo.+
21 Ke biyampepo kulombola mboloji,+Ino muntu ubwanya kulonga bibi mwanda’tu wa kakipindi ka mukate.
22 Muntu wabilaabila* upēlakananga mwanda wa bupetaPampikwa kuyuka’mba bulanda bukamupeta.
23 Yewa ense udingila muntu+ bakamutōkelwa mutyima ku mfulo+Kupita’ko yewa ushiñanya na ludimi lwandi.
24 Yewa ense wiba shandi nansha inandi kanena’mba, “Ke bibipo,”+
I mukwabo na muntu uleta musala.+
25 Muntu wa makomwa-meso* ukolomonanga lupotopoto,Ino yewa ense ukulupile mudi Yehova ukamona biyampe.*+
26 Yewa ense ukulupile mutyima wandi i kivila,+Ino yewa unangila mu tunangu ukapandanga.+
27 Yewa ense upa balanda kakabulwepo kintu,+Ino yewa wibapūtyila meso ukamonanga mafingo mangi.
28 Shi babi ababikala, muntu ufyamanga,Ino shi abafu, bantu boloke bavulanga.+
Kunshi kwa Dyani
^ Nansha’mba “ntambo mwana.”
^ Nansha’mba “butomboki.”
^ Kishima pa kishima i, “aye.”
^ Nansha’mba “yewa kadipo na moyo nansha dimo.”
^ Nansha’mba “mashi a muya.”
^ Nansha’mba “kīna.”
^ Nansha’mba “wa makomwa-meso.”
^ Bibwanika padi i, “muya wa kibengo.”
^ Kishima pa kishima i, “ukanunijibwa.”
