Yoba 38:1-41
38 Penepo Yehova walondolola Yoba mu kimpumpu kya luvula+ amba:
2 “Le i ani uno ufītyija madingi amiNe kwisamba pampikwa buyuki?+
3 Wilongolole’po bidi, pamo bwa mwana-mulume;Nsa kukwipangula, nobe unombole.
4 Lelo wādi kwepi ponaādile byalwilo bya ntanda?+
Nombole, shi ulanga’mba wivwanije.
5 I ani wātūdile’ko bipimo byayo, shi uyukile,Ne kadi i ani wātamwine’po lukamba lwa kupima nalo?
6 Le bitako byayo byashimikilwe mu bika,Ne kadi i ani wātūdile dibwe dyayo dya difinko,+
7 Kitatyi kyāelele ñenyenye+ ya lubanga nsadi ya tusepo pamo,Ne bana ba Leza*+ bonso kebatūta kyungwe na nsangaji?
8 Ne i ani wājikile milango ku dijiba+Podyāsabikile dyātamba munda,
9 Ponēdivwikile makumbiNe kwidivunga* mu mfindi bwī,
10 Ponēditūdīle mukalo wamiNe kutandika mikabo ne milango yadyo,+
11 Nānena’mba, ‘Ubwanya kwiya kufika pano, ino kokatabuka;Pano po pakemanina mantanki obe makatampe’?+
12 Lelo kashā* kodi musoñanye lubangaNansha kuyukija lubanga futwi kifuko kyalo,+
13 Wākwata mafulo a ntandaNe kutenkanya’po babi?+
14 Yalamunwanga pamo bwa dilongo munshi mwa kashé,Kadi mumwekelo wayo udi bwa owa wa kivwalwa.
15 Ino kitōkeji kya babi i kibayatwe,Kadi kuboko kwabo kutulule i kutyumuke.
16 Lelo kodi mutūkile mu masulo a dijibaNansha kukatala mu mema a mushike?+
17 Lelo kebakusokwele bibelo bya lufu,+Nansha le kodi mumone bibelo bya fukutu mikatampe?*+
18 Lelo kodi mwivwanije mubaile ntanda?+
Nombole, shi uyukile bino byonso’bi.
19 Lelo kitōkeji kishikatanga dya kwepi?+
Ne i kwepi kudi kifuko kya fukutu,
20 Amba wiiyate ku kyaba kyayoNe kwivwanija tushinda twa ku njibo yayo?
21 Le uyukile’kyo mwanda wadi kodi mubutulwe kalaNe myaka* yobe i mingi bininge?
22 Lelo kodi mutwele mu bibīko bya mashika mekwate,+Nansha kumona bibīko bya mvula wa mabwe,+
23 Bine byombikile mwanda wa kitatyi kya tusua,Mwanda wa difuku dya bulwi ne divita?+
24 Lelo kitōkeji* kitambanga dya kwepi kekyandabila,Ne kivula kya kutunduka kitambanga kwepi kekipukuma pa ntanda?+
25 I ani wākolele munkolankola wa dilobeNe kulonga kashinda ka dikumbi dya mvula mukatampe wa mikungulo,+
26 Kunokeja mvula kokwa kekwikalangapo muntu nansha umo,Mu ntanda mutuputupu mwampikwa muntu nansha umo,+
27 Kwikutyija ntanda ya masala myonakanibweNe kumeneja biyombo?+
28 Lelo mvula udi na shandi,+Ne i ani wābutwile mano a lumé?+
29 Lelo maimakasa ātambile munda mwa ani,Ne i ani wābutwile mashika mekwate a mūlu+
30 Kitatyi kipūtwa mema pamo bwa ao apūtwa na dibwe,Ne pekwata mbū pangala pa mema a mushike?+
31 Lelo ubwanya kukuta myonji ya kibumbo kya ñenyenye ya Kima?*Nansha kukutulula myonji ya kibumbo kya ñenyenye ya Keshile?*+
32 Le ubwanya kwendeja kibumbo kya ñenyenye* mu kitatyi kyakyoNansha kuludika kibumbo kya ñenyenye ya Ashe* pamo ne bana bakyo?
33 Lelo uyukile bijila biludika madiulu,+Nansha ubwanya kutūla lupusa lwao* pa ntanda?
34 Le ubwanya kutulwila diwi dyobe ku makumbiUlengeje dilobe dya mema dikupūte?+
35 Lelo ukokeja kutambija mapeni?
Lelo akāya keakunena’mba, ‘Batwe bano!’
36 I ani wātūdile tunangu mu makumbi*+Nansha kupa biyukeno* bya mūlu ñeni?+
37 I ani wa tunangu ubwanya kubala makumbi,Nansha ubwanya kupungulula milondo ya mema ya mūlu i ani+
38 Kitatyi kyalamuka luvumbi ke bitotoNe bibuo bya biloba byelamata pamo?
39 Le ubwanya kupoila ntambo kikwatwaNansha kupwa nzala ya bantambo bana+
40 Kitatyi kyobabatamine mu mitá yaboNansha pobalēle bajikīle mu mikembo yabo?
41 I ani le utēkelanga kinkombe byakudya+Twana twakyo potudidila Leza etukwasheNe kulumbakana mwanda kekudipo ka kudya nansha kamo?
Kunshi kwa Dyani
^ Uno i muneneno wa mu Kihebelu ufunkila pa bamwikeulu, bana ba Leza.
^ Nansha’mba “kwidipomba.”
^ Kishima pa kishima i, “mu mafuku obe.”
^ Nansha’mba “munjiñininya wa lufu.”
^ Kishima pa kishima i, “mafuku.”
^ Bibwanika padi i, “mapeni.”
^ Pakwabo i Kidimina.
^ Pakwabo i Kabwa na Nyema.
^ Kishima pa kishima i, “Mazalote.” Mu 2 Bal 23:5, kishima kya mu buvule kiifwene nakyo kifunkila pa bibumbo bya ñenyenye ya zodiake.
^ Pakwabo i Nkubulo (Uluse Mukatampe).
^ Bibwanika padi i, “Lwandi.”
^ Bibwanika padi i, “mu muntu.”
^ Bibwanika padi i, “milangwe.”
