Tshivulukilu tshia lufu lua Yezu
Disambombo dia 12/4/2025
Bantemu ba Yehowa batu bavuluka lufu lua Yezu musangu umue ku tshidimu, anu muakatumaye dîyi pakambaye ne: “Tungunukayi ne kuenza nunku bua kumvuluka.”—Luka 22:19.
Tudi tukubikila bua kubuela mu tshibilu etshi.
Nkonko itu bantu batamba kuela
Tshisangilu atshi ntshia mêba bungi kayi?
Netuenzamu pabuipi ne dîba dijima.
Netshienzekele penyi?
Monangana ne Bantemu ba Yehowa bua kumanya muaba wenzekelatshi.
Nebalombe makuta bua kubuelamu anyi?
Tòo.
Nebasangamu makuta anyi?
Tòo.
Kudi mvuadilu udibu benzeja bantu bua kuvuala anyi?
Nansha mudibu kabayi benzeja bantu bua kuvuala mushindu kampanda bua kubuela mu tshibilu etshi, Bantemu ba Yehowa batu badienzeja bikole bua kutumikila mibelu ya mu Bible ya mua kuvuala ne bupuekele ne kanemu. (1 Timote 2:9) Kabiena bikengela anu wikale ne bilamba bia mushinga mukole peshi bia pa buabi to.
Mmalu kayi enzeka mu Tshivulukilu?
Bua kubanga nansha kujikija, netuimbamu musambu ne netulonde disambila kudi muena mudimu wa Nzambi wa mu Bantemu ba Yehowa. Tshitupa tshinene tshia Tshivulukilu etshi mmuyuki welabu wumvuija mushinga udi nawu lufu lua Yezu ne tshia kuenza bua tshidi Nzambi ne Kristo batuenzele etshi kutuambuluishatshi.
Bua kumanya malu makuabu, bala tshiena-bualu tshia “Bua tshinyi Bantemu ba Yehowa batu benza Didia dia Mukalenge dishilangane ne dia bitendelelu bikuabu?”
Mmatuku kayi enzeka Thivulukilu kumpala eku?
Mu 2025: Disambombo dia 12/4
Mu 2026: Dinayi dia 2/4
Mona bikuabu:
MEMORIAL
Vuluka lufu lua Yezu
Tudi tukulomba ne disanka dionso bua kudisanga netu mu tshibilu tshia mushinga mukole etshi. Neumanye mudi nsombelu wa Yezu ne lufu luende mua kukuambuluisha.
MALONGESHA A MU BIBLE A NSHINDAMENU
Bua tshinyi Yezu wakafua?
Pamuapa ukadi mumvue ne: uvua mufue bua mpekatu yetu. Kadi mulambu wa muntu umuepele uvua mua kuambuluisha bantu miliyo ne miliyo anyi?