Yobo 26:1-14
26 Yobo wakandamuna ne:
2 “Ke muudi muambuluishe muntu udi kayi ne bukole nunku!
Ke muudi mupandishe diboko didi kadiyi ne bukole nunku!+
3 Udi mupeshe muntu udi mupangile meji+ mubelu wa dikema!
Ke muudi musokolole meji ebe adi ambuluisha* tshianana* nunku!
4 Uudi ujinga kuakula nende nnganyi?Uvua mukupeshe lungenyi lua kuamba malu a nanku nnganyi?*
5 Badi kabayi ne bukole mu lufu badi bazakala;Badi muinshi kupita too ne mâyi ne bintu bidi bisombamu.
6 Lukita* ludi butaka kumpala kua Nzambi,*+Ne muaba wa kabutu* udi buashi.
7 Udi ubalula luseke lua diulu lua ku nord* mu tshibuashibuashi,*+Uteka buloba mu tshibuashibuashi kabuyi busombe pa tshintu;
8 Udi uvungila mâyi mu matutu ende,+Nunku matutu kaena atayika bua bujitu buawu to;
9 Udi ujika kumpala kua nkuasa wende wa bukalenge,Ubalula ditutu diende pa mutu pende.+
10 Udi wela mushonyi udi bu mukalu wa diulu ne buloba* pa mutu pa mâyi,+Udi uteka mukalu pankatshi pa butoke ne mîdima.
11 Makunji mine a diulu adi anyukuka;Adi apampakana padiye utanda.
12 Udi uvuandulula mbuu ne bukole buende,+Ku lungenyi luende udi utshibula nyama munene* wa mu mbuu bitupa bitupa.+
13 Udi utokesha muulu ne mupuya* wende;Tshianza tshiende tshidi tshitubula nyoka udi wongoloka.*
14 Mona! Eyi idi anu mielelu ya njila yende+ patupu;Anu dinunganyi dikese tshianana ndikadi diumvuike bua bualu buende!
Nunku, nnganyi udi mua kujingulula dikubakuba diende dikole?”+
Note
^ Anyi “lungenyi lujima.”
^ Anyi “bungi tshianana.”
^ Ku mua.: “Mmupuya (Nnyuma) wa nganyi udi mupatukile munda muebe.”
^ Ku mua.: “kuende.”
^ Anyi “Ne Abadona.”
^ Ku mua.: “muaba mutupu.”
^ Ku mua.: “ku nord.”
^ Ku mua.: “tshijengu.”
^ Ku mua.: “Lahaba.”
^ Anyi “lupepele.”
^ Anyi “ufinunuka.”
