Fweny mar Johana 3:1-22
3 “Ndik ne malaika mar kanyakla man Sarde kama: Magi e weche ma jal ma nigi roho abiriyo mag Nyasaye+ kod sulwe abiriyo+ wacho: ‘Ang’eyo timbeni, ni in gi nying ni ingima, to isetho.+
2 Bed motang’,+ kendo ijiw gik modong’ ma ne chiegni tho, nimar aseyudo ni tijeni orem e nyim Nyasacha.
3 Kuom mano, dhi nyime paro ahinya gima iseyudo kod ma ne iwinjo, kendo isik ka imake, kae to ilok chunyi ia e richo.+ Kuom adier, ka ok ichiew, anabi kaka jakuo,+ kendo ok ibi ng’eyo sa ma anabinie.+
4 “‘Kata kamano, in gi jo ma nok* e Sarde ma ok nochido nengnigi,+ kendo gibiro wuotho kanyachiel koda ka girwako nengni ma rochere+ nikech giwinjorego.
5 Omiyo, ng’at ma olocho+ ibiro rwakne nengni ma rochere,+ kendo ok anaruch nyinge e bug ngima,+ to ananyis ni ang’eyo nyinge e nyim Wuora kendo e nyim malaikene.+
6 Ng’at ma nigi it mondo owinj gima roho wacho ne kanyaklago.’
7 “Ndik ne malaika mar kanyakla man Filadelfia niya: Magi e weche ma jal maler wacho,+ jal ma en adier,+ ma nigi ofungu mar Daudi,+ ma yawo mondo kik ng’ato olor, kendo oloro mondo kik ng’ato oyaw:
8 ‘Ang’eyo timbeni—ne! aseketo dhoot moyawore e nyimi,+ kendo ng’ato ok nyal lore. Bende, ang’eyo ni in gi teko matin, kendo ne irito wachna, mi ne inyiso ni imakori chuth gi nyinga.
9 Winji! Nitie jo moa e sunagogi mar Satan ma luongore ni Jo-Yahudi, to ok gin,+ giriambo—ne! anami gibi iri mi ginikulre e nyim tiendi ka gimiyi luor, kendo anami ging’e ni aseheri.
10 Nikech iserito wach sinani mara,*+ an bende abiro riti e sa mar tem+ ma dhi biro e wi piny mangima, mondo otem jo modak e piny.
11 Ero abiro mapiyo.+ Dhi nyime mako motegno gima in-go mondo kik ng’ato okaw osimboni.+
12 “‘Ng’at ma olocho—anami obed siro e hekalu mar Nyasacha, to ok nowuog e iye kendo ngang’, kendo anandik kuome nying Nyasacha+ kod nying dala mar Nyasacha, ma en Jerusalem Manyien+ ma lor koa e polo ir Nyasacha, kendo anandik kuome nyinga manyien.+
13 Ng’at ma nigi it mondo owinj gima roho wacho ne kanyaklago.’
14 “Ndik ne malaika mar kanyakla man Laodikia+ kama: Magi e weche ma Amin+ wacho, jal mogen kendo janeno+ madier,+ chakruok mar chuech Nyasaye,+
15 ‘Ang’eyo timbeni, ni ok ing’ich, to bende ok iliet. Mad ibedie mang’ich kata maliet.
16 Omiyo, nikech indhemndhem kendo ok iliet,+ to bende ok ing’ich,+ achiegni ng’ogi oko ia e dhoga.
17 Nimar iwacho kama: “Amewo,+ bende aseyudo mwandu kendo ok achando gimoro amora kata matin,” to ok ing’eyo ni ithagori kendo ichandori moloyo, bende idhier, in muofu, kendo in duk,
18 asayi mondo ing’iew kuoma dhahabu mosepwodh gi mach mondo ibed momewo, kendo ing’iew kuoma nengni ma rochere, irwakgi mondo kik iel dugi,+ kendo ing’iew kuoma yadh wang’ mondo iwirgo wengeni+ mondo inen.+
19 “‘Akwero ji duto ma ahero kendo arieyogi.+ Omiyo, bed gi kinda kendo ilok chunyi ia e richo.+
20 Ne! ero achung’ e dho ot kendo adwong’o. Ka ng’ato owinjo dwonda mi oyawo dhoot, abiro donjo ei ode, kendo anacham chiemo modhiambo kode, to en bende nochiem koda.
21 Kuom ng’at ma olocho,+ abiro yiene obed koda e kom-lochna,+ mana kaka an bende ne alocho, mi abedo+ gi Wuora e kom-lochne.
22 Ng’at ma nigi it mondo owinj gima roho wacho ne kanyaklago.’”
