Ngeche 28:1-28
28 Joricho ringo kata ka onge ng’at ma lawogi,To jo makare gin jochir mana ka sibuor.+
2 Ka richo opong’o piny, piny nobed gi jatelo achiel bang’ machielo,+To ng’at mong’eyo pogo weche, kendo ma nigi ng’eyo e ma nomi jatelo osiki.+
3 Jachan ma mayo ng’at ma chandore+Chalo gi koth ma ketho chiemo duto.
4 Jo ma ok rit chik pako ng’at marach,To jo ma rito chik osin gi joricho.+
5 Jaricho ok nyal ng’eyo tiend gima kare,To jo ma manyo Jehova winjo tiend gik moko duto.+
6 Jachan ma wuotho e tim makare berMoloyo jamoko ma yorene opong’ gi mibadhi.+
7 Wuoyi ma tiend weche donjone e ma rito chik,To osiep ng’at ma iye lach kelo wich-kuot ne wuon-gi.+
8 Ng’at ma medo mwandune gi ohala moyudo kuom holo ji pesa+Chokogi ne ng’at ma kecho jachan.+
9 Ng’at ma tamore luwo chik—Kata mana lamone jogo chuny.+
10 Ng’at ma wuondo ng’at makare mondo otim richo, biro podho e bur mokunyo owuon,+To ng’at ma onge ketho biro yudo pok maber.+
11 Jamwandu paro ni oriek,+To jachan mong’eyo pogo weche neno gik manie chuny jamwanduno.+
12 Ka jo makare locho, nitie mor maduong’,To ka joricho okawo loch, ji pondo aponda.+
13 Ng’at ma pando richone ok nodhi maber,+To ng’at ma hulo richone kendo weyogi ibiro kechi.+
14 Ng’at mamor en ng’at ma kinde duto ok oluor,To ng’at ma toke tek biro yudo masira.+
15 Ng’at marach motelo ne jo ma onge tekoChalo mana gi sibuor ma ruto, kata dubu ma dwaro monjo ng’ato.+
16 Jatelo ma ok riek tiyo gi tekone marach,+To ng’at ma ok ohero ohala miyudo e yor mibadhi nodag aming’a.+
17 Ng’at ma chunye chandore nikech en gi buch remo biro ringo aringa nyaka chieng’ odhi e liel.+
Kik ng’ato ang’ata okonye.
18 Ng’at ma ok wuoth e richo ibiro resi,+To ng’at ma yorene ogajore biro podho apoya.+
19 Ng’at ma puro puothe noyud chiemo mang’eny,To ng’at modich gi gik manono nomed bedo modhier.+
20 Ng’at ma ja adiera noyud gueth mang’eny,+To ng’at ma rikni bedo jamwandu lwete ok nodong’ ka ler.+
21 Ok en gima ber dewo wang’ ng’ato;+To ng’ato nyalo timo richo mana ni mondo oyud gima docham.
22 Ng’at ma iye lach rikni manyo mwandu,Ok ong’eyo ni dhier nojuke.
23 Ng’at ma kwero nyawadgi+ noyud pwoch mang’eny+Moloyo ng’at ma wuondo awuonda nyawadgi gi lewe.
24 Ng’at ma mayo wuon-gi gi min-gi to wacho ni, “Onge gima rach,”+
En osiep ng’at ma kelo kethruok.+
25 Ng’at ma iye lach* kelo chwanyruok,To ng’at mogeno Jehova weche nodhine maber.+
26 Ng’at mogeno chunye owuon ofuwo,+To ng’at ma wuotho e rieko biro tony.+
27 Ng’at ma konyo jochan ok bi chando gimoro,+To ng’at ma umonegi wengene noyud kuong’ mang’eny.
28 Ka joricho okawo loch, ji pondo,To ka githo, jo makare medore.+
Weche Moler Piny
^ Kata nyalo bedo, “Ng’at ma wiye tek.”
