Ngeche 4:1-27
4 Yawuota, winjuru puonj mag wuoro;+Chikuru itu mondo uwinj tiend weche,
2 Nimar abiro miyou puonj mabeyo;Kik ujwang’ chikna.*+
3 Ne an wuod wuonwa ma sie+Kendo an e ma minwa nohera ahinya.+
4 Wuora nopuonja kendo wachona niya: “Mak matek wechena gi chunyi duto.+
Rit chikena mondo ibed mangima.+
5 Many rieko, many tiend wach.+
Kik wiyi wil kod wechena, kata weyogi.
6 Kik ijwang’e, to enobedni rageng’.
Here, to obiro riti.
7 Rieko e gima duong’ moloyo duto,+ omiyo, many rieko,Kendo kuom gik moko duto ma imanyo, many tiend wach.+
8 Miye duong’, to enoting’i malo.+
Obiro miyi duong’ nikech irwake.+
9 Obiro rwakoni kondo ma jaber e wiyi;Obiro sidhoni osimbo mar ber.”
10 Wuoda, winji, kendo iyie gi gima awachoni,Eka hiki nobed mang’eny.+
11 Abiro puonji e yor rieko;+Abiro tayi e yore mochikore tir.+
12 Onge gima biro geng’i kiwuotho;Kendo onge gima biro chwanyi kiringo.
13 Mak puonj motegno; kik iwe olalni.+
Rite, nikech en e ngimani.+
14 Kik iluw yor joricho,Kendo kik iwuoth e yor jo maricho.+
15 Weri gi yorno, kik iluwe;+Lokri ia kuome, kendo ikadhe akadha.+
16 Nimar ok ginyal nindo ka pok gitimo gima rach.
Nindo ok tergi ka pok gigoyo ng’ato piny.
17 Timbe maricho e chiemo ma gichamo,Kendo mahundu e divai ma gimadho.
18 To yor jo makare chalo gi ler mokinyi
Ma medore ameda nyaka wang’ chieng’ wuog maler.+
19 Yor jo maricho chalo gi mudho;Gikia gima chwanyogi.
20 Wuoda, chik iti ne wechena;Chik iti malong’o ne gik ma awacho.
21 Kik iwe gilal e wang’i;Kan-gi e i chunyi,+
22 Nimar gimiyo jo ma yudogi ngima+Kod del maber ma onge tuoche.
23 Rit chunyi moloyo gik moko duto monego iriti,+Nikech en e soko mar ngima.
24 Gol weche maricho oa kuomi,+Kendo bed mabor gi weche mag miriambo.
25 Wengeni onego ong’i nyime tir,Ee, chom wang’i nyime tir.+
26 Rie* yo ma tiendi wuothoe,+Kendo yoreni duto biro chikore tir.
27 Kik ibar korachwich kata koracham.+
Rit tiendi mondo kik idonj e richo.
