Zaburi 145:1-21
Wend pak. Zaburi mar Daudi.
א [Aleph]
145 Abiro miyi duong’, A Nyasacha kendo Ruodha,+Abiro pako nyingi nyaka chieng’.+
ב [Beth]
2 Abiro paki odiechieng’ mangima;+Abiro pako nyingi nyaka chieng’.+
ג [Gimel]
3 Jehova duong’ miwuoro, kendo owinjore opake;+Adier, duong’ne odhiero ji ng’eyo.+
ד [Daleth]
4 Tieng’ ka tieng’ biro pako tijeni;Gibiro hulo tijeni madongo.+
ה [He]
5 Gibiro wuoyo e wi duong’ni malich miwuoro+Kendo abiro paro matut kuom tijeni miwuoro.
ו [Waw]
6 Gibiro wuoyo e wi tijeni madongo miwuoro.
Abiro lando duong’ni.
ז [Zayin]
7 Gibiro wuoyo gimor ka giparo gik mabeyo misetimonegi,+Kendo gibiro wer gimor nikech timbeni makare.+
ח [Heth]
8 Jehova ng’won kendo okecho ji,+Iye ok wang’ piyo kendo herane mogundho osiko.+
ט [Teth]
9 Jehova timo maber ne ji duto,+Kendo okecho gik moko duto ma nochueyo.
י [Yod]
10 A Jehova, tijeni duto biro miyi duong’,+Kendo jogi momakore kodi biro paki.+
כ [Kaph]
11 Gibiro hulo duong’ mar pinyruodhi,+Kendo gibiro wuoyo e wi tekoni,+
ל [Lamed]
12 Mondo ji duto ong’e gik madongo misetimo,+Kod duong’ mar pinyruodhi.+
מ [Mem]
13 Pinyruodhi en pinyruoth ma nyaka chieng’,Kendo lochni osiko e tienge duto.+
ס [Samekh]
14 Jehova siro ji duto ma podho,+Kendo ochungo jo ma chunygi onyosore.+
ע [Ayin]
15 Wenge ji duto ng’iyi;Imiyogi chiemo e kinde mowinjore.+
פ [Pe]
16 Iyawo lwetiKendo imiyo gik mangima duto gik ma gidwaro.+
צ [Tsade]
17 Jehova ni kare e yorene duto+Kendo en ja adiera e gik moko duto motimo.+
ק [Qoph]
18 Jehova chiegni gi ji duto ma luonge,+Ochiegni gi ji duto ma luonge gadiera.+
ר [Resh]
19 Ochopo dwaro mag jo moluore;+Owinjo ywakgi kendo oresogi.+
ש [Shin]
20 Jehova rito ji duto mohere.+Obiro tieko joricho duto.+
ת [Taw]
21 Dhoga biro pako Jehova;+Gik mangima duto mondo opak nyinge maler nyaka chieng’.+
