Zaburi 146:1-10
146 Pakuru Jah!*+
Denda duto mondo opak Jehova.+
2 Abiro pako Jehova e ngimana duto.
Abiro wero wende pak ne Nyasacha e ngimana duto.
3 Kik iket genoni kuom jotelo mag piny,Kata kuom dhano, nimar ok onyal waro ng’ato.+
4 Muche rumo kendo odok e lowo;+Chieng’no e ma gik ma oparo duto lalie.+
5 Ng’at mamor en ng’at ma konyruokne a kuom Nyasach Jakobo,+Kendo mogeno Jehova Nyasache,+
6 Ma nochueyo polo gi piny,Gi nam, kod gik moko duto manie igi,+En ja adiera kinde duto.+
7 Ong’ado bura makare ne jo ma oyak gikgi,Kendo opidho jo ma kech kayo.+
Jehova e ma gonyo jo motue.+
8 Jehova yawo wenge muofni;+Jehova chungo jo ma chunygi onyosore;+Jehova ohero jo makare.
9 Jehova rito jodak;Orito nyithi kiye gi mond liete,+To orocho chenro mag joricho.+
10 Jehova biro bedo Ruoth nyaka chieng’.+A Sayun, Nyasachi biro locho e tienge duto.
Pakuru Jah!*
Weche Moler Piny
^ Kata, “Haleluyah!” “Yah” kata “Jah” en nying Jehova e yo machuok.
^ Kata, “Haleluyah!” “Yah” kata “Jah” en nying Jehova e yo machuok.
