Zaburi 97:1-12
97 Jehova osebedo Ruoth!+
Piny mondo obed mamor.+
Chulni bende obed moil.+
2 Boche polo gi mudho mandiwa olwore;+Tim makare gi adiera e mise mar kom-lochne.+
3 Mach otelo e nyime,+Kendo wang’o wasike duto.+
4 Mil polo mare menyo piny,Kendo piny tetni koneno mil polono.+
5 Gode leny nono e nyim Jehova mana ka peth kich;+Gileny e nyim Ruodh piny duto.
6 Polo hulo timne makare,Kendo ji duto neno duong’ne.+
7 Ji duto ma lamo sanamu mondo oyud wich-kuot;+Wich-kuot oyud jogo ma sungore nikech nyisechegi manono.+
Un nyiseche duto, lamuru Nyasaye.+
8 Sayun nowinjo wachno mobedo moil.+A Jehova, taonde mag Juda* bende nobedo mamorNikech buche ming’ado.+
9 Nimar in e Jal Mamalo Chutho e wi piny duto, A Jehova.
Iduong’ moloyo nyiseche mamoko duto.+
10 Un ji duto mohero Jehova, sinuru gi richo.+
Orito ngima joge momakore kode,+Kendo oresogi e lwet joricho.+
11 Ler oserieny ne jo makare+Kendo jo ma chunygi tir osebedo mamor.
12 Un jo makare, beduru mamor nikech Jehova,Kendo pakuru nyinge maler.
Weche Moler Piny
^ Hibrania, “nyi Juda.”
