XØRꞸ 06
¿Ja go mbꞹrꞹ ke ri bʼꞹnji?
“Nutsʼkʼe [Mizhokjimi] i kjaa ke texe ra bʼꞹbʼꞹ” (Salmo 36:9). ¿Gi kreogeyo? Bʼꞹbʼꞹ kʼo manji ke dya kjo go dyⱥkøji, ke ro ka̱ra̱tsjɇji. Ma dya kjo go dyⱥkⱥzꞹji, nu ma, dya pje søø ra tebʼeji axojñi. Pe, ma e Jehová o dyⱥkøji, ¿pjekja go dyⱥkⱥji? a Xørꞹ pje mama ne Biblia kjo go dyⱥkøji ñe ri ñuu ke na kjuanayo.
1. ¿Kjo go dyⱥtrʼⱥ texe?
Ne Biblia mama: “Mi jinkjoma ma dya pje mi bʼꞹbʼꞹ, Mizhokjimi o dyⱥtrʼⱥ yo jensʼe ñe ne xoñijomꞹ” (Génesis 1:1). Na punkjꞹ científico manji ke go bʼꞹbʼꞹ kjo go dyⱥtrʼⱥ texe. ¿Ja ba dyⱥtrʼⱥ Mizhokjimi texe yo bʼꞹbʼꞹ? Ko nu “zɇzhikjimi”—nu espiritu santo—o dyⱥtrʼⱥ texe: nzakja yo galaxia, yo seje, yo planeta... (Génesis 1:2).
2. ¿Pjenga o dyⱥtrʼⱥ e Diosi ne Xoñijomꞹ?
E Jehová “pa̱ra̱ pjenga go dyⱥtrʼⱥ ne xoñijomꞹ, go dyⱥtrʼⱥ ne xoñijomꞹ ngekʼua ro mimi yo ntee” (Isaías 45:18). Angeze go dyⱥtrʼⱥ ne xoñijomꞹ me na joo ñe me na zøø, ngekʼua yo ntee ro søø ro mimiji texe yo paa (xørꞹ Isaías 40:28 ñe 42:5). Yo cientifico manji ke ne Xoñijomꞹ me na zøø. Dya bʼꞹbʼꞹ na planeta nzakja ne Xoñijomꞹ nu ja søø ra minji yo ntee.
3. ¿Pjenga dya ri chjenkøji yo animale?
Ma o nguarꞹ o dyⱥtrʼⱥ ne Xoñijomꞹ, nudyakʼua e Jehová o dyⱥtrʼⱥ texe yo bʼꞹbʼꞹba. Otrʼꞹ go dyⱥtrʼⱥ yo planta ñe yo animale. Nudyakʼua “Mizhokjimi go dyⱥtrʼⱥ ne bʼɇzo jango ga ngeje angeze” (xørꞹ Génesis 1:27). ¿Pje nge kʼo kjakꞹji dya ra chjenkøji yo animale? Ngeje ke e Mizhokjimi o dyⱥkøji ja ga nge angeze, nzakja ke ri sʼiyaji ñe ri jonteji. Xo go tsjakꞹji ke søø ra pjechiji nʼaño jñaa, ñe me ri mⱥji ma ri janrraji texe yo me na zøø ñe ma ri ⱥrⱥji bʼizhi. Xo ñe kʼo kjakꞹji dya ra chjenkøji yo animale, ngeje ke nuzgøji søø ra matrʼꞹji e Diosi.
TEXE YO JÑAA KE ME NI MUBI RA PA̱RA̱JI
Ra nuji ja ba dyⱥtrʼⱥ e Mizhokjimi texe yo bʼꞹbʼꞹ ñe pjenga na kjuana kʼo mama ne Biblia ke e Mizhokjimi o dyⱥtrʼⱥ texe. Ñe ra pa̱ra̱ji ke ja ga ngezgøji, jitsʼkøji ja ga nge e Diosi.
4. Texe yo pɇsʼi vida bʼꞹbʼꞹ kjo go dyⱥtrʼⱥ
Ma pje ⱥtrʼⱥji yo bʼɇzo ke xⱥkⱥji yo ya bʼꞹbʼꞹ, xiji ke me na joo yo go tsjaji. Pe ¿kjo unꞹ pøjø kʼꞹ otrʼꞹ o dyⱥtrʼⱥ texeyo? Jñanrrabi ne VIDEO ñe ri chjꞹrꞹbi ne trʼønꞹ nu ba e̱je̱:
-
¿Pje go dyⱥtrʼⱥji yo bʼɇzo ke o xⱥkⱥji yo ya bʼꞹbʼꞹ?
Texe yo ngumꞹ, bʼꞹbʼꞹ kjo go jyⱥbʼⱥ. Pe, ¿kjo go dyⱥtrʼⱥ texe yo bʼꞹbʼꞹ? Xørꞹbi Hebreos 3:4 ñe ri chjꞹrꞹbi yo trʼønꞹ yo ba e̱je̱:
-
Kʼo go dyⱥtrʼⱥ Mizhokjimi, ¿pje ni mbe kʼo kjakʼꞹ me ri tsjentrjo?
-
¿Na kjuana ke texe yo kja̱ʼa̱, bʼꞹbʼꞹ kjo go dyⱥtrʼⱥ? ¿Pjenga?
¿Mi pa̱rge?
Kja jw.org ri chøtrʼꞹ skuama ñe video ke ba e̱je̱ yo jñayo. Jyodʼꞹ nu ja mama “¿Kjo go dyⱥtrʼⱥyo?” ñe “Pje manji ke ja ba mbꞹrꞹ kʼꞹ ri bʼꞹnji”.
“Texe yo ngumꞹ bʼꞹbʼꞹ kjo go jyⱥbʼⱥ, pe kʼꞹ go dyⱥtrʼⱥ texe yo bʼꞹbʼꞹ nge Mizhokjimi”
5. Pjenga na kjuana kʼo mama ne Biblia ke na kjuana bʼꞹbʼꞹ kjo go dyⱥkøji
Kja nu capítulo dʼaja kja Génesis, ne Biblia mama kjo go dyⱥtrʼⱥ ne Xoñijomꞹ ñe texe kʼo bʼꞹbʼꞹba. ¿Na kjuanayo o maxke jiyo? Jñanrrabi ne VIDEO ñe ri chjꞹrꞹbi yo trʼønꞹ yo ba e̱je̱:
-
¿Mama ne Biblia ke ne Xoñijomꞹ ñe texe yo bʼꞹbʼꞹba bo dyⱥtrʼⱥji kja ñanto paa?
-
¿Pje i mange, na kjuana k’o mama ne Biblia ke bʼꞹbʼꞹ kjo go dyⱥtrʼⱥ texe? ¿Pjenga gi mange akjanu?
Xørꞹbi Génesis 1:1 ñe ri chjꞹrꞹbi ne trʼønꞹ nu ba e̱je̱:
-
Na punkjꞹ cientifico manji ke bʼꞹbʼꞹ kjo go dyⱥtrʼⱥ texe yo kja̱ʼa̱. ¿Chjenjui kʼo manji angezeji ko yo kja bi xørꞹ kja ne Biblia?
Bʼꞹbʼꞹ ntee ke manji ke Mizhokjimi dyaxko nguarꞹ go dyⱥtrʼⱥ nrrexe, ke go jyɇzi ke jmanchʼa jmanchʼa ro tetsʼɇji texe yo bʼꞹbʼꞹdya. Xørꞹbi Génesis 1:21, 25, 27 ñe ri chjꞹrꞹbi ne trʼønꞹ nu ba e̱je̱:
-
¿Mama ne Biblia ke e Diosi dya go nguarꞹ go dyⱥtrʼⱥ nrrexe, ke go jyɇzi ke jmanchʼa jmanchʼa ro tetsʼɇji, ke ro ngeji jmo̱o̱, añimale yo jøtꞹji ñe yo ntee? ¿O angeze go dyⱥtrʼⱥ texe “jango ga ngeji nzi dʼaji”? b
6. Yo ntee dya ri chjenji ko texe yo go dyⱥtrʼⱥ Mizhokjimi
Nuzgøji dya ri chjenkjøji yo añimale. Xørꞹbi Génesis 1:26 ñe ri chjꞹrꞹbi ne trʼønꞹ nu ba e̱je̱:
-
Yo ntee søø ra sʼiyaji ñe søø ra juentseji nangeje Mizhokjimi o dyⱥkøji ja ga nge angeze. ¿Pje jitsʼiyo ja ga nge e Jehová?
BʼꞸBʼꞸ KʼO MANJI: “Yo mama ne Biblia ja ba dyⱥtrʼⱥ Mizhokjimi texe, dya na kjuana ke go kjogꞹ akjanu”.
-
¿Pje i kjijñige? ¿Pjenga gi kjijñi akjanu?
KʼO YA RO NUJI
Jehová o dyⱥtrʼⱥ texe yo bʼꞹbʼꞹ ajensʼe ñe yo bʼꞹbʼꞹ kja ne xoñijomꞹ.
Pje gi mbeñege
-
¿Pje mama ne Biblia kjo go dyⱥtrʼⱥ texe?
-
¿Na kjuana ke Mizhokjimi o jyɇzi ke jmanchʼa jmanchʼa ro tetsʼɇ texe, o ma go mbꞹrꞹ go tsjaa yo bʼꞹbʼꞹ ixko nguarꞹ ba dyⱥtrʼⱥ?
-
¿Pje nge kʼo kjakøji ke dya ri chjenji ko yo dyaja ke o dyⱥtrʼⱥ Mizhokjimi?
XE SØØ RI PA̱RA̱
Ñuu janzi yo ra mbøxkʼꞹ ri unꞹ nguenda kjo go dyⱥtrʼⱥ texe.
“¿Texe yo ri janrraji pje jitsiji?” (¡Despertad!, Septiembre de 2006)
Jñanrra ja ga jichi na tata o tsʼitrʼi kjo go dyⱥtrʼⱥ texe jango ga mama kja ne Biblia.
Xørꞹ ma ne evolución chjenjui ko yo jizhi ne Biblia.
“¿O dyⱥtrʼⱥ Mizhokjimi texe ko ne evolución?” (Xørꞹ kja jw.org)
Ñuu yo mama ne registro fósil ñe yo cientifico: kjo texe yo kja̱ʼa̱ go bʼꞹbʼꞹ kjo go dyⱥtrʼⱥ maxke go tsjatsjɇjiyo.
Ja mbꞹrꞹ kʼꞹ ri bʼꞹnji. Tsichʼa trʼønꞹ ke ni jyodʼꞹ ri pa̱ra̱ pje nee ra mama (Folleto)
Puede que también le interese
KʼO ME ØNꞸJI
¿Ja ga kjaa ne curso bíblico kʼꞹ unꞹji yo testigo e Jehová?
Kja ne curso interactivo søø ri xørꞹge ne Biblia kʼꞹ gi nege. Dya pje ri tsjontrʼꞹ. Søø ri zojnꞹge kja ne curso texe ni pjamiliage ñe yo ntee yo gi joge.
